MÜHAZİRƏ 9
İxtisas: RİM
Kurs:IV
Fənn:Ümumi təhsilin kurikulumu
Mövzu: Tədqiqatın aparılması. (fərziyələri yoxlamaq və tədqiqat sualına cavabı tapmaq üçün faktların axtarılması)
Ədəbiyyat siyahısı: Zülfiyə Veysova, Fəal interaktiv təlim, Bakı 2008. UNİCEF. 1. A. Süleymanova. Təhsilin əsasları. Bakı 2014 Kurikulumların hazırlanması və tətbiqi məsələləri, Bakı 2008.
Müəllim: Baxşəliyeva Tamara e-mail: tamarabaxsheliyeva@gmail.com
Plan:
Dərsin II mərhələsi
Qrup işinin təşkilinə verilən tələblər
Qruplarda tədqiqat aparmaq üçün iş vərəqlərinin hazırlanmasına verilən tələblər
Dərsin informasiya mübadiləsi, informasiya müzakirəsi və nəticə - ümumiləşdirmə mərhələləri
Dərsin II Mərhələsi.
Problemin həlli üzrə irəli sürülən fərziyələri təsdiq və ya təkzib edən, habelə qoyulan tədqiqat sualına cavab verməyə kömək edə biləcək faktları tapmaq zərurəti ortaya çıxır. Buna, şagirdləri irəli sürülmüş problemin həllinə məqsədyönlü şəkildə aparan, özündə yeni informasiyanı və yeni sualları daşıyan müxtəlif çalışmalar kömək etməlidir. Məhz yeni faktların öyrənilməsi və bu suallara cavabların tapılması gedişində düşünmək və yeni bilgiləri kəşf etmək üçün münasib şərait yaranır.
Dərsin ikinci mərhələsi, tədqiqatın aparılması iş formaları ilə həyata keçirilir. Bəzən müəllimlər iş formaları ilə metodları (strategiyaları) qarışdırırlar. Fəal təlimin iş formaları aşağıdakılardır:
Fərdi iş forması
Cütlərlə iş
Qruplarla iş
Bütün siniflə iş
Fəal təlim zamanı daha çox istifadə olunan iş forması qruplarla işdir. Bu iş forması şagirdlərdə problemin birgə həll edilməsini, bir-birinin fikrinə hörmətlə yanaşmağı, müstəqil öyrənməyi, sərbəst fikir söyləməyi öyrədir.
Dostları ilə paylaş: |
