4. NITQIN DÜZÇÜNLÜYÜ.Nitqin düzgünlüyü həm yazılı, həm də şifahi nitqdə qrammatik qaydalara əməl etməkdir. Lakin nitqin düzgünlüyü üçün təkcə qrammatik qaydaları gözləmək kifayət deyildir. Qrammatikanı yaxş bilən adamlardan elələrinə təsadüf edilir ki, onların nə yazdıqlarını oxumaq, nə də danışığını dinləmək mümkün olmur. Düzgün nitqə yiyələnmək üçün qrammatikara qaydalarını bilməkdən əlavə, ədəbi dilin digər normalarıni da riayət etmək lazımdır. Bunun üçün cümlələr məntiq cəhətdən düzgün qurulmalı, oradakı fikirlər aydın olmalı münasib sözlər seçilməli, həmin sözlər düzgün tələffüz edilməli, canlı sözün təsir gücünü artıran vasitələrdən yerində və məqsədəuyğun istifadə olunmalıdır. Nitqin düzgünlüyü üçün başlıca şərtlərdən biri ifadə edilən fikrin reallıqla bağlılığı, onu düzgün əks etdirməsidir. Reallaqdan uzaq olan, ona söykənməyən nitq hansı mövzuda olursa-olsun maraqsızdır, təsirsizdir, sönükdür.
