| Okeanda dörd mərtəbəlilik struktur fərqləndirilir:
1. 0 – 200 m dərinliklər arasındakı şelf zonası (biocoğraflar bunu litoral və sublitoral adlandırırlar) qurunun davamıdır. Qurudan daxil olan maddə və günəş işığı ilə zənginliyi həyatın inkişafı üçün əlverişli şərait yaradır. Dünya okeanındakı bütün bentoz biokütlənin 80%-i burada cəmləşmişdir;
2. Materik yamacı (batial) 2500 – 3000 m dərinliyədək davam edir. Bu vilayət böyük mailliyi, möhkəm süxur çıxıntılarının olması, bitkinin olmaması, heyvanat aləminin nisbətən zəif inkişafı ilə səciyyələnir. Burada bioloji kütlənin sıxlığı şelf zonasından 10 dəfə azdır.
3. Okean yamacı (abissal zona) 6000 m dərinliyədək olan sahələri tutur. Bioloji kütlənin çoxluğu (heyvan və bakteriyaların, onların qalınlıqlarının çoxluğu) ilə səciyyələnir.
4. Dərin su çökəklikləri (ultraabissal zona) 6000 m-lə 11000 m arasındakı dərinlikləri əhatə etməklə, okean dibinin ən dərin sahələrinə uyğun gəlir. Burada yalnız bakteriyalar müşahidə olunur.
Dostları ilə paylaş: | 
