- İnsanın fəaliyyəti. İnsanın fəaliyyəti iqlimin coğrafi amilləri kateqoriyasına aid edilmir. Ona görə ki, insan öz təsərrüfat fəaliyyəti ilə iqlimə təsir göstərir. Bu səbəbdən də, həmin təsir bəzən müsbət effektli, bəzən də mənfi effektli ola bilir. Belə ki, insan tərəfindən yaradılan su anbarları, sututarları, suvarma sistemləri, salınan meşə massivləri, tarlaqoruyucu meşə zolaqları ərazinin iqlimini, xüsusilə mikroiqlimini yaxşılaşdıran tədbirlərdən olsalar da, meşənin qırılması, torpağın səmərəsiz şumlanması, şəhərlərin salınmasında və sənaye müəssisələrinin yerləşdirilməsində elmi məlumatların nəzərə alınmaması iqlim şəraitinə neqativ təsir göstərən amillərdən hesab olunur. Atmosferin yerə yaxın təbəqəsinin və fəal səthin iqlim şəraitinin yaxşılaşdırılmasına doğru istiqamətlənən tədbirlər sistemi özlüyündə mikroiqlim şəraitini yaxşılaşdıran və həmçinin optimallaşdıran tədbirlərdəndir.