| Sadə operatorlar. Öz daxilində digər operatorları saxlamayan operatorlar sadə operatorlar adlanır. Sadə operatorlara aşağıdakılar aiddir:
mənsubetmə operatoru;
prosedura müracıət;
şərtsiz keçid operatoru;
boş operator.
Mənsubetmə operatoru. Bu operatorun köməyilə dəyişən və ya funksiyaya ifadənin qiyməti mənsub edilir. Bu məqsədlə := işarəsindən istifadə edilir. Operatorun ümumi yazılış forması aşağıdakı kimidir: D:=A; Burada D – funksiya və ya dəyişənin adı, A isə ifadədir. Operator A ifadəsinin qiymətini hesablayaraq, D-yə mənimsədir.
Prosedura müraciət. Prosedura müraciət operatorunun ümumi yazılış forması aşağıdakı kimidir: prosedurun adı(faktiki parametrlərin siyahısı);
Qeyd etmək lazımdır ki, parametrsiz prosedur operatoru yalnız prosedurun adından ibarət olur. Operatorun yerinə yetirilməsi prosedur gövdəsində təsvir edilmiş əməllərin aktivləşdirilməsinə səbəb olur. Operatorda göstərilən faktiki parametrlər, prosedur başlığında təsvir olunan formal parametrlərin tipinə, sayıma və yerləşmə ardıcıllığına uyğun olmalıdır. Prosedur gövdəsinin aktivləşməsindən əvvəl isə faktiki parametrlər formal parametrlərə ötürülür.
Dostları ilə paylaş: |
