Telekommunikasiya şəbəkə və sistemlərinin qurulmasının əsasları
Mühazirə konspekti
Bakı – 2020
I Mövzu .
1.1.Telekommunikasiya rabitəsi haqqında ümumi məlumat
Telekommunikasiya rabitəsi iqtisadiyyatın əsas sahələrindən biri olub əhalinin iqtisadi və ölkənin müdafiəsini, telefon, teleqraf, poçt, televiziya, verilənlərin ötürülməsi; EHM və radioyayım xidmətləri ilə təmin etmək və həmçinin dövrü mətbuatın ölkə ərazisində yayımlanmasına şərait yaratmaq üçündür.
Hazırkı dövrdə cəmiyyətdə 80 - ə yaxın müxtəlif növ informasiyalar vardır və onlardan istifadə olunur. Verilən məlumatların xarakterinə və verilmə üsullarına görə aşağıdakı rabitə növləri mövcuddur.
Poçt, elektron poçtu, teleqraf- faks, foto-teleqraf ( qəzet səhifələrinin ötürülməsi) telefon səsyayımı, televiziya yayımı, teleidarəetmə, telekonfrans. Rabitənin növündən asılı olaraq rabitə müəssisələri və texniki avadanlıqlardan uyğun olaraq poçt rabitəsi, teleqraf, ŞAT rabitəsi, şəhər, kənd telefon rabitəsi, radiorabitə, televiziya rabitəsi, beynəlxalq rabitə, kosmik rabitə sahələrinə ayrılır.
Poçt rabitəsi: müəssisələrinin köməyilə əhaliyə dövrü məlumatın məktub, bağlamalar, teleqramlar, pul baratları və digər növ xidmətlər təşkil edir.
Dostları ilə paylaş: |
