Birincisi, bu bazarda alıcı və satıcının qarşılıqlı münasibətlərinin uzunmüddətliliyi.
İkincisi, əmək bazarında qeyri-pul amillərinin (işin mürəkkəb və prestijliyi, əmək şəraiti, məşğulluğun və peşə artımının zəmanəti və başqaları) böyük rol oynaması;
Üçüncüsü, müxtəlif institusional strukturların (həmkarlar ittifaqları, əmək qanunvericiliyi, dövlətin məşğulluq və peşə hazırlığı siyasəti, sahibkar birlikləri) əmək bazarına əhəmiyyətli təsiri.
Əmək xidmətlərinin qiyməti tələb və təklif əsasında müəyyən olunur.
Əmək bazarının iştirakçılarının mahiyyətini dərindən başa düşmək üçün əvvəlcə onları müəyyənləşdirmək lazımdır. Əsas anlayış “əhali” hesab olunur.
Əhali – məcmu insanların bilavasitə həyatının istehsalı və təkrar istehsalı prosesində təbii-tarixi olaraq toplanır və müntəzəm olaraq yeniləşir. İqtisadiyyatda əhali eyni zamanda həm istehsalçı, həm də maddi nemətlərin istehlakçısıdır. Əhalinin yaş hədləri, təhsil, peşə-ixtisas, siniflər üzrə strukturu “əmək resursları”nın kəmiyyət və keyfiyyət anlayışlarını müəyyənləşdirir.
