| Təhsil və inkişaf funksiyası. Təhsil dəyişikliklərlə ayaqlaşmaq, işçilərin bilik və bacarıqlarını artırmaq, mövqe və davranışlarını dəyişdirmək və işçiləri yeni vəzifələrinə hazırlamaq məqsədi ilə həyata keçirilən fəaliyyətdir. Təhsil və inkişafda başlıca məqsəd işçini dəyişən ətraf mühitin tələblərinə uyğunlaşdırmaqdır. Bu səbəbdən qlobal səviyyədə təhsilə böyük yatırımlar edilir və müxtəlif təhsil metodlarından istifadə olunur. Ən çox istifadə olunan metodlar şirkət daxili, şirkət xarici və iş vaxtında olan təhsildir.
Təhsilin şəxsiyyət və davranışlara təsir göstərməsi, rol davranışlarında təsirliliyi artırır və baş verən hadisələrə işçilərin uyğunlaşmasını təmin edir. Bazar tələbləri və təşkilati ehtiyaclara diqqət yetirilməsi təhsil proqramlarının məqsədlərinə çatmasına imkan yaradır. Bundan başqa təhsil proqramı işçilərin şəxsiyyətinə, dəyərlərinə və fərdi məqsədlərinə uyğun təşkil olunmalıdır. İşçiyə təhsil müddəti boyunca təşkilati məqsədlər mənimsədilməli və bu məqsədlər üçün səy göstərməsi təmin olunmalıdır.
Dostları ilə paylaş: |
