| İş müraciətlərinin qəbulu funksiyası. İş müraciətlərinin qəbulu dedikdə, mümkün olan çoxlu insanın təşkilata iş üçün müraciət etməsinin hədəfləndiyi proses başa düşülür. Bu zaman təşkilat daxili və xarici qaynaqlar istifadə olunaraq, iş elanı, internet vasitəsilə və əmək yarmarkalarında iştirak edərək bu müraciətlər təmin olunur. Burada başlıca hədəf işə müraciətlərin sayını artırmaq və yüksək xüsusiyyətlərə sahib olan işçiləri təşkilata cəlb etməkdir.
Təşkilatın ehtiyaclarına uyğun və yüksək bacarıqlara sahib olan namizədlərin müraciət etməsi üçün axtarılan xüsusiyyətlər iş elanlarında bildirilməli, təşkilatın dəyər və məqsədləri təqdim olunmalıdır. Beləliklə, iş elanlarının təşkilatın ehtiyaclarına uyğun hazırlanması yaş, cins və irqi ayrıseçkiliklərin qarşısını alaraq, yaradıcılıq və yenilikçiliyi artıra bilər.
Dostları ilə paylaş: |
