İşçi-işəgötürən münasibətləri funksiyası. İşçi-işəgötürən münasibətləri Həmkarlar İttifaqları, Kollektiv müqavilə və Kollektiv saziş çərçivəsində yaranan münasibətlərdir. Həmkarlar İttifaqları üzvləri arasında əlbirliyi təmin etmək, onların mənafeyini qorumaq və iş mühitini inkişaf etdirməyi qarşısına məqsəd qoyur. Həmkarlar İttifaqları işçiləri rəhbərliklə olan münasibətlərdə təmsil edir və üzvlər üçün kollektiv müqavilə danışıqlarını həyata keçirirlər. İşçini Həmkarlar İttifaqlarına cəlb edən səbəb işin özü yox, iş mühitidir. İşçilər birlikdə hərəkət edərək, iş mühitinin öz xeyirlərinə uyğun səviyyəyə gəlməsinə çalışarlar. İşəgötürənlər də öz mənafelərini qorumaq üçün İşəgötürənlərin Həmkarlar İttifaqlarını yaradırlar və kollektiv müqavilə danışıqlarında İşçilərin Həmkarlar İttifaqlarının qarşısında birlik olurlar.
