| Namizədlərin testdən keçirilməsi. Bəzi şirkətlər seçim prosesinin daha obyektiv şəraitdə keçməsinin təmin edilməsi üçün müxtəlif testlərdən istifadə edirlər. Həmin testlər həm namizədlərin ümumi şəxsi keyfiyyətlərini, danışıq qabiliyyətini, yaddaşını, abstrakt düşüncə qabiliyyətini, ünsiyyət yaratmaq bacarığını, həm də bəzi vaxtlar xüsusi bilik və bacarıqlarını yoxlamaq məqsədini güdə bilər.
Bundan əlavə, çox vaxt namizədlərdən təşkilati, idarəetmə və tez qərar vermə keyfiyyətləri də tələb olunur.
Testin səmərəli keçməsi üçün sual vərəqəsi xüsusi hazırlanmış formada hazırlanmalı, testdən qabaq diqqətlə yoxlanılmalı və asanlıqla anlaşılan olmalıdır. Testin sualları təcrübəli və peşəkar mütəxəssis tərəfindən hazırlanmalıdır. Əks təqdirdə nəticələr alladıcı və təhlükəli ola bilər.
Seçim prosesinin amillərindən ən çətini yoxlama zamanı namizədlərə qarşı obyektiv və qərəzsiz olmaqdır.
Dostları ilə paylaş: |
