| Pareto və Eyzenhauer prinsipləri
Karyera yüksəlişinə can atan əməkdaş zamanını düzgün bölüşdürməyi bacarmalıdır və ona tapşırılan işləri yerinə yetirərkən bəzi prinsiplərə əməl etməlidir. Bu sahədə Pareto və Eyzenhauer prinsiplərindən geniş istifadə olunur. Məlumdur ki, iş ona ayrılmış bütün vaxta bölünür. Yəni, bir çox hallarda iş üçün üç gün də ayrılsa, dörd gün də ayrılsa iş ayrılan bütün vaxtımızı alır və onu eyni vaxtda bitiririk. Vaxtın qurtarmağına az qaldıqda fikirləşirik ki, əlavə bir saat da (işdən asılı olaraq bir gün və ya bir həftə) olsaydı işi çatdırardım). Məsələn, tələbələr 4-5 il təhsil alırlar, amma xeyli hissəsi elementar biliklərə malik olmur, deməli, sərf etdikləri bu vaxt hədər gedib (insan beyninin ən yaxşı işləyən vaxtı). Nəticəyə tuşlanma olduqca vacib keyfiyyətdir. Günəş şüaları insanı yandırmır, amma lupa ilə şüalar cəmlənsə yandırar. Sadəcə etmək kifayət deyil, nəticə əldə etmək lazımdır. Nəticə etibarilə zamanı düzgün idarə etmək 3 hissədən ibarətdir:
1. Lazım olan işləri görmək.
2. İşləri vaxtında və effektiv görmək.
3. Lazımsız işlərdən imtina etmək və ya ötürmək.
Hədəfləri prioritetə görə bölmək və icra planlarını hazırlamaq lazımdır.
Dostları ilə paylaş: |
