Mühazirə mətnləri I. MÜHaziRƏ pedaqoji ustaliq sistem kiMİ

3.Nitq və müəllimin kommunikativ davranışı

Müəllimin danışığı məktəblilərin təlim-tərbiyə məqsədlərinə xidmət etməlidir. Buna görə də nitqə ümummədəni tələblərlə yanaşı, professional və pedaqoji tələblər də verilir. Müəllim öz danışığının məzmunu, keyfiyyəti və nəticələri üçün məsuliyyət daşıyır.

“Müəllimin nitqi” dedikdə, adətən, şifahi nitq başa düşülür. Şifahi nitq müəllimin hazırda danışıq zamanı hazırlayıb ifadə etdiyi nitqdir, əvvəlcədən yazılı olaraq hazırlanmış nitqin oxunması, ifadəsi deyildir.

Pedaqoji nitq bunları təmin etməlidir:

• 
  Müəyyən nəticəsi olan ünsiyyət, pedaqoq və şagirdlər arasında qarşılıqlı təsir:
  
• 
  Pedaqoqun şagirdlərin fəaliyyət motivləri və əqidələrinin formalaşdırılması və korreksiyası məqsədilə onların şüuruna və hisslərinə təsir göstərməsi;
  
• 
  Təlim prosesində biliklərin hərtərəfli qavranılması, dərk edilməsi və möhkəmləndirilməsi;
  
• 
  Şagirdlərin təhsilinin və parktik fəaliyyətinin uğurlu təşkili.