Şəxsiyyətin inkişafı timsalında, problemə akmeologi və psixologi yanaşmalarının müqayisəli təhlilini, daha qabarıq şəkildə nümayiş etdirmək olur. Şəxsiyyət problemi psixologiyada kifayət qədər ətraflı və əsaslı şəkildə öyrənilmişdir. Şəxsiyyət probleminin psixologiyada əhəmiyyəti, şəxsiyyəti psixoloji tədqiqatların əsas metodoloji prinsipi kimi tanıınmasını, qəbul olunmasını şərtləndirmişdir, belə ki, bütün psixoloji hadisələrin tədqiqində onların şəxsiyyətlə bağlı olması müəyyən olunur. Şəxsiyyət psixologiyasının akmeologiya ilə daha sıx əlaqədə olan istiqamətləri, şəxsiyyətin yaşla əlaqədar inkişafı ilə bağlı aşağıdakı problemləri ilə daha sıx əlaqəsi görünür: məs. psixologiyada və pedaqogikada şəxsiyyətin inkişafı problemi, əsasən uşaqların və yeniyetmələrin inkişafı ilə bağlı olmuşdur. Bundan əlavə, psixoloji tədqiqatlarda insan inkişafında əsas diqqət şəxsiyyətin həyatının periodizasiyasına və onun psixoloji inkişafının müxtəlif mərhələlərinin təhlilinə həsr olunub. Şəxsiyyətin inkişafına akmeoloji və psixoloji yanaşmalarda fərqlər vardır: akm-nın vəzifəsi ondan ibarətdir ki, daha çox insan özünün şəxsiyyətinin potensialı, yetkinliyinin hesabına öz inkişafının subyekti, yaradıcısı olsun. Akm-ji yanaşmanın psixoloji yanaşmadan fərqi eyni zamanda, şəxsiyyətin aksentuasiyası probleminə münasibətdə özünü göstərir. Bir çox psixoloqlar aksentuasiyaya şəxsiyyətin xarakterioloji və digər şəxsi keyfiyyətlərinin normadan kənara çıxması halı kimi yanaşır və buna görə də, çox hallarda peşəkarlığa zidd hal kimi dəyərləndirirlər. Sübut olunub ki, uğur qazanmağa kömək edən keyfiyyətlər kimi, sosial pozitiv yönümlü olan aksentuasiya, çox hallarda mühüm peşə keyfiyyəti kimi, psixoloji mahiyyət daşıyır. Məhs belə aksentuasiya peşədə uğur qazanmağın əsas səbəbi kimi çıxış edir. Məs: - zəif ifadə olunan “Paranoyal aksentuasiya”ya malik olan şəxsiyyət, idarəetmə fəaliyyətində uğurlu olurlar;
