pedaqoqun fəaliyyətində peşə məqsədlərinə nail olunmasının motivləri;
pedaqoji sahədə peşəkarlığa nail olmağın əsas yolları və mexanizmləri.
Pedaqoji akm-nın məzmunu aşağıdakı parametrlərdə ifadə olunur:
pedaqoqun peşəkarlığının spesifikası ilə;
pedaqoqun fəaliyyətinin obyektinin, şəraitinin, üsulunun və texnalogiyalarının özünəməxsusluğu, pedaqoqun fəaliyyətinin elmi tədqiqatlarının nəticələri.
Ped. akmeologiya pedaqoqun peşəkarlığının zirvəsinə nail olması, özünün pedaqoji fəaliyyətində yüksək nəticələr əldə etməsi ilə yanaşı, aşağıdakılarda da öz ifadəsini və təsdiqini tapır:
tələbələrin şəxsiyyətinin formalaşmasında müxtəlif vasitələrdən, metodiklardan istifadə edərkən, hümanist ənənələrə əməl olunması;
pedaqoqun tələbələrin motivasiya sferasına, dəyərlər sisteminə, orientasiyasına, məqsədlərinə uyğun olaraq istifadə etdiyi fəaliyyət üsulunu və üslubunu seçməsi;
təhsil alanları növbəti pedaqoji proseslərə, təhsilin sonrakı mərhələlərinə, perspektiv təhsilləri və inkişafları üçün zəmin hazırlanması.
Akmeoloji baxımdan pedaqoji peşəkarlığa, pedaqoji proseslərin subyektinin pedaqoji fəaliyyətin məhsuldarlığını və hümanizmini təmin edən davamlı peşə keyfiyyətlərinin - qabiliyyətlərin, pedaqoji üsulun və üslubun, kommunikativ keyfiyyətlərin olması, pedaqoqun psixoloji, insanşünaslıq hazırlığının və səriştəliliyinin göstəricisi kimi baxılır. Pedaqoji akmeologiya, pedaqoqun fəaliyyətinin peşəkarlığının və onun şəxsiyyətinin kamilliyinin səviyyəsini və mərhələsini müəyyən edir. Qeyd olunanlar əsasən aşağıdakılarda özünü ifadə edir:
peşəyə yiyələnmək;
pedaqoji ustalıq;
pedaqoqun peşəsində özünü reallaşdırması və aktuallaşdırması;
pedaqoji yaradıcılıq.
Peşəkarlığın yüksək səviyyəsində, pedaqoq özünü aşağıdakı keyfiyyətlərdə ifadə edir:
