Mühazirə müəllimi: Dos. H. H. Həsənov

KitabYurdu.az 
15

---

Banknot bankın borc öhdəliyidir. Banknotun vekseldən iki başlıca fərqi 
aşağıdakılardır:
Əvvəla müddətinə görə, belə ki, veksel müddətli borc öhdəliyi olduğu halda, 
banknot müddətsiz borc öhdəliyidir.
Ikincisi, təminatına görə belə ki, veksel tədavülə ayrı – ayrı hüquqi və fiziki 
şəxslər tərəfindən buraxılıb, indi vidual zəmanətə malik olduğu halda, banknotlar 
tədavülə ölkənin Mərkəzi Bankı tərəfindən buraxılıb dövlət zəmanətinə malik olurlar.
Banknotlar (bank biletləri ) pul nişanı növü olub, mərkəzi bank tərəfindən 
tədavülə buraxılan qanuni ödəmə vasitəsidir.
Banknotlar qəti müəyyən edilmiş şəkildə buraxılır: ABŞ – da 1, 5, 10, 20, 50, 100 
dollarlıq banknotlar; İngiltərədə 1, 10, 20, 50; Rusiyada 5, 10, 50, 500 və 1000 rublluq 
banknotlar; Azərbaycanda 250, 500, 1000, 10.000, 50.000 manatlıq banknotlar tədavül 
edilir. Azərbaycan Respublika pul nişanlarının nominal dəyərinin və qiymətlər 
miqyasının dəyişdirilməsi (denominasiya ) haqqında Azərbaycan Respublikası 
Prezidentinin 7 fevral 2005–ci il yanvar ayının 1–dən etibarən yeni pul nişanları 
dövriyyəyə buraxılmışdır. Denominasiya tədbirlərin həyata keçirilməsi əskinaslarla 
bərabər tədavülə sikkələrin də buraxılmasını zəruri etdi. Denominasiyadan sonra 2006–
cı ildən tədavülə 6 nominalda əskinas ( 1, 5, 10, 20,50 və 100 manat ); 6 nominalda 
sikkə ( 1, 3, 5, 10, 20, 50 qəpik) buraxılmışdır. Bu proseslər, yəni manatın yeni nominal 
strukturu nağd ödəmələri maksimum sadələşdirmiş oldu.
2002–ci il yanvar ayının 1-dən tədavülə 10, 20, 50, 100, 200, 500 avroluq vahid 
avropa valyutası buraxılmışdır.
Xəzinə biletləri Dövlət xəzinədarlığı, Maliyyə Nazirliyi və Xüsusi dövlət 
orqanları tərəfindən, əsasən büdcə kəsirini örtmək məqsədi ilə buraxılan kağız 
pullardır. Xəzinə biletləri banknotlardan fərqli olaraq heç vaxt qiymətli materiallarla 
təmin olunmurdu. Həmçinin bu pullar qızıla dəyişdirilə bilməzlər.
Qızıl standartlarının ləğvindən sonra xəzinə biletləri və banknotların arasındakı 
fərq praktiki olaraq silindi.