Mühazirə müəllimi: Dos. H. H. Həsənov

KitabYurdu.az 
44

---

AZƏRBAYCAN RESPUBLIKASININ PUL SISTEMI 
Azərbaycan Respublikasının pul sistemi Azərbaycan Respublikasının Mərkəzi 
Bankı haqqında 10 iyun 1996-cı ildən olan Azərbaycan Respublikasının Qanununa 
uyğun olaraq fəaliyyət göstərir. Bu qanun onun hüquqi əsasını müəyyən edir. Bizim 
ölkəmizdə rəsmi pul vahidi manatdır. Azərbaycan Respublikasının ərazisində başqa pul 
vahidinin tətbiq edilməsi qadağan edilmişdir. Manat və ya qızılın və ya başqa qiymətli 
metallar arasında nisbət qanunla müəyyən edilmişdir. Manatın xarici pul vahidinə rəsmi 
kursunu Azərbaycan Respublikasının Mərkəzi Bankı müəyyən edir və bu barədə 
məlumat mətbuatda dərc edilir.
Azərbaycan Respublikasının ərazisində nağd pulun emissiyasında, onların 
tədavülünün təşkilində və dövriyyədən çıxarılmasında Mərkəzi Bank müstəsna hüquqa 
malikdir. O, ölkəmizdə normal iqtisadi fəaliyyəti saxlamaq məqsədi ilə pul tədavülünün 
vəziyyətinə cavab verir. Qanuni ödəniş qüvvəsi olan pul növləri banknotlar və metal 
sikkələrdir, hansı ki, Azərbaycan Respublikasının Mərkəzi Bankının bütün aktivləri ilə 
təmin edilir. 
Banknotların və sikkələrin nümunələrini Azərbaycan Respublikasının Mərkəzi 
Bankı təsdiq edir. Yeni nümunədə banknot və sikkələrin buraxılması haqda məlumat, 
həm də onların təsviri barədə məlumatlar kütləvi informasiya vasitələrində dərc edilir.
Mərkəzi Bankın Idarə Heyəti yeni kağız və metal pulların tədavülə buraxılması, 
köhnələrin tədavüldən çıxarılması haqqında qərar qəbul edir. Yeni pul nişanlarının 
nümunələrini təsdiq edir. Müvafiq qərar kütləvi informasiya vasitələrində dərc edilir. 
Qərarda kağız və metal plların dəyişdirilməyə təqdim olunması müddətləri, onların 
dəyişdirilməsini həyata keçirən kredit təşkilatları göstərilir.
Mərkəzi Bank köhnəlmiş və zədələnmiş kağız pulları özünün müəyyənləşdirdiyi 
qaydada müvafiq surətdə məhdudiyyətsiz dəyişdirir. Pul nişanları səthinin 40 faizindən 
çoxunu itirdikdə Mərkəzi Bank onları dəyişdirməkdən imtina edə bilər.