Mühazirə müəllimi: Dos. H. H. Həsənov

KitabYurdu.az 
91

---

2. Sədr yerində olmadıqda Mərkəzi Bankın icra strukturları başçısının 
funksiyaları onun birinci müavininə keçir. Birinci müavin olmadıqda icra strukturları 
başçısının funksiyaları Mərkəzi Bankın Idarə Heyəti sədrinin müəyyən etdiyi qaydada 
digər müavininə keçir; 
3.Mərkəzi Bankın Idarə Heyəti sədrinin nomenklaturasında olan şəxsləri vəzifəyə 
təyin edir və vəzifədən azad edir, onların arasında vəzifə bölgüsü aparır; 
4. Mərkəzi Bankın Idarə Heyətinin təsdiq etdiyi normativ aktları, Mərkəzi Bankın 
bağladığı sazişləri imzalayır; 
5. Mərkəzi Bankın bütün əməkdaşları üçün məcburi əmrlər və göstərişlər verir və 
s.
PUL-KREDIT SIYASƏTI SAHƏSINDƏ MƏRKƏZI BANKIN
FUNKSIYALARI VƏ ƏMƏLIYYATLARI 
Pul-kredit sisteminin başlıca istiqamətləri: 
1. Mərkəzi Bankın qarşıdakı il üçün pul-kredit siyasətinin başlıca istiqamətlərini 
avqustun 1-dək Azərbaycan Respublikasının Prezidentinə təqdim edir; 
2. Pul-kredit siyasətinin başlıca istiqamətlərində Azərbaycan Respublikasının 
makroiqtisadi və makromaliyyə vəziyyəti təhlil edilir, pul-kredit siyasətinin bank 
sisteminin inkişafının əsas istiqamətləri əks etdirilir, qarşıdakı il üçün pul-kredit 
siyasətinin məqsəd və vəzifələrinin və bunlara nail olmaq yollarının 
müəyyənləşdirilməsi, inflyasiyanın proqnozlaşdırılan səviyyəsinə nail olmaq üçün pul 
kütləsi həcminin və strukturunun tənzimlənməsi, daxili aktivlərin və ehtiyat pulun 
maksimum və xarici ehtiyatların minimum səviyyəsinin təyin olunması tədbirləri, 
ölkənin tədiyə qabiliyyətinin sabitliyi və valyuta bazarının tənzimlənməsi üçün valyuta 
ehtiyatlarının zəruri səviyyəsinin müəyyənləşdirilməsi, həyata keçirilən pul-kredit 
siyasətinə uyğun oalaraq bank işinin təkmilləşdirilməsi tədbirləri; 
3. Pul-kredit siyasətinin başlıca istiqamətlərində onun həyata keçirilməsi 
vasitələri əsaslandırılır.