Mühazirənin planı: Bitkiçilik kənd təsərrüfatı istehsalının əsas sahəsi kimi

Kürüşnə

Birillik paxlalı yem bitkisidir. Yaş və quru ot üçün becərilir. Yaşıl kütləsi, dəni, habelə samanı çox qüvvəli yemdir. Mal-qara onu həmişə iştahla yeyir. Yemin tərkibində 18-20%-ə qədər, toxumunun tərkibində isə 30% zülal vardır. Dənli-paxlalı yem bitkiləri arasında ən yüksək dən məhsulu verir. Hektardan 25 sentnerə qədər dən məhsulu verir. Keçmişdə bu bitkinin (dən) unundan hazırlanmış çörək iş heyvanlarına verilirdi. Samanı, otu və dəni kökəldilən qaramal üçün qiymətli yemdir. Kürüşnə torpağa az tələbkar, tezyetişən, vegetasiya dövrü qısa, quraqlığa, bir sıra xəstəlik və zərərvericilərə qarşı davamlı bitkidir. Azot toplayaraq torpağı münbitləşdirir. Hektara səpin norması 80 kq-dır. Toxumları 10-20 günə cücərir. Cücərdikdən 35-45 gün sonra çiçəkləyir, bundan 40-50 gün sonra vegetasiyası başa çatır. Vegetasiya müddəti 90-110 gündür. Hektardan quru ot məhsuldarlığı 10-40 sentnerə çatır.