MüNDƏRİcat giriş

Bakalavr üzrə ixtisas proqramları	Magistr üzrə ixtisas proqramları
Doktorantura üzrə ixtisas proqramları
1	Neft və Qaz Mühəndisliyi	Neft və Qaz Mühəndisliyi	Kompüter elmləri
2	Kompüter elmləri	Elektronika radiotexnika mühəndisliyi	Analiz və funksional analiz
3	Kompüter mühəndisliyi	Kompüter mühəndisliyi	Neft və qaz yataqlarının geologiyası, axtarışı və kəşfiyyatı
4	İnşaat mühəndisliyi	İnformatika	Neft və qaz yataqlarının işlənməsi və istismarı
5	Elektronika radiotexnika mühəndisliyi	-	Biokimya, Biotexnologiya
6	Biotibbi texnika mühəndisliyi	-	İmmunologiya
7	Kimya mühəndisliyi	-	-
8	Mexanika mühəndisliyi	-	-

Bakalavr proqramları orta məktəb məzunları üçün nəzərdə tutulur və tələbələrə mühəndislik və tətbiqi elmlər ilə əlaqədar əsas biliklər verərək onları universiteti bitirdikdən sonra müvafiq sahələrdə müvəffəqiyyətlə işləmək və həmçinin də yüksək səviyyəli təhsil almaq üçün hazırlayır.

Magistr proqramları mühəndislik və tətbiqi elmlər sahəsində müasir elmi, texniki,

iqtisadi və bazar problemlərini dərindən öyrənərək həll etmək istəyən mütəxəssislər üçün nəzərdə tutulur.

Fəlsəfə doktoru proqramları mühəndislik və tətbiqi elmlərin müxtəlif sahələrində gələcək fəaliyyətlərini daha da inkişaf etdirmək arzusunda olan və dərin elmi tədqiqatlara maraq göstərən mütəxəssislər üçündür. Bunların məntiqi davamı olaraq cari ildə bu fakültə üzrə 4 doktorant ABŞ-ın və digər qabaqcıl və inkişaf etmiş olkələrin universitetlərində təhsillərini müxtəlif formada davam etdirmək və elmi laboratoriyalarda çalışmaq üçün dəvətlər almış və elmi işlərə cəlb olunmuşlar.

Cari ildə Magistratura, Doktorantura və Elmi İşlər bölməsi Respublikanın aparıcı tədqiqat müəssisələrindən olan və AMEA ilə Xəzər Universitetitinin arasında elmi əməkdaşlığa, tələbə və işçi mübadiləsinə dair bağlanmış ikitərəfli saziş çərçivəsində Neft və Qaz Elmi Tədqiqat İnstitutu ilə ikitərəfli əməkdaşlığa dair görüş keçirmiş və əlaqələrin gələcək perspektivləri müzakirə edilmişdir.

Müasir mühəndislik və digər əlaqədar sahələrdə müəyyən tələbəl\rdən idarəçilik bilikləri də tələb olunduğu üçün, bu sahədə həmin tələbatı ödəmək məqsədi ilə fakültənin tələbələri üçün iqtisadiyyat, menecment və marketinq üzrə müvafiq fənlər təklif olunur. Bu, sahələrarası inteqraqsiyanın daha da inkişaf etdirilməsi sahəsində mühüm dəyişiklər yaratmaq üçün mühüm məsələ kimi qeyd olunmuşdur. Bu proqramların həyata keçirilməsi üçün fakültənin professor-müəllim heyətinin fəaliyyətinin müasir standartlara cavab verməsi, onların peşəkar təcrübəsi, beynəlxalq qurumlar və təşkilatlarla müxtəlif əlaqələrinin olması zəruridir. Bu proqramlar müasir standartların yalnız tədqiqat və təhsildə deyil, eyni zamanda texniki, iqtisadi, sosial və digər sahələrdə də müvəffəqiyyətlə həyata keçirilməsini nəzərdə tutur. Fakültədə aşağıdakı laboratoriyalar fəaliyyət göstərir:

1. 
   Neft və qaz mühəndisliyi tədris və tədqiqat laboratoriyası
   
2. 
   Neft və qaz yataqlarının kompüter simulyasiyası laboratoriyası
   
3. 
   İnşaat materialları sınağı laboratoriyası
   
4. 
   Alternativ enerji laboratoriyası
   
5. 
   Hüceyrə patologiyası tədqiqat mərkəzi
   
6. 
   Xəzər Kompüter tədqiqat mərkəzi
   
7. 
   Analitik kimya laboratoriyası
   
8. 
   Ümumi fizika laboratoriyası
   
9. 
   E-media (İnternet Radio və TV) mərkəzi
   
10. 
    İnternet İnstitutu
    

Xəzər Universitetinin bu laboratoriyalarında rabitənin əsasları, AM/FM ötürücü və qəbuledici sistemləri, Fiber-optik ötürücü təlim sistemi, Elektrik dövrəsi, Biotibbi ölçü sistemləri, Sənaye elektronik təlim sistemi, Məntq dizaynın öyrənilməsi, Analoq elektronika, Rəqəmsal elektronika və digər sahələr üzrə elmi-tədqiqat işləri davam etdirilir.

İqtisadiyyat və Menecment Fakültəsi

1991-ci ildə əsası qoyulan Xəzər Universitetinin İqtisadiyyat və menecment fakültəsi Azərbaycanda aparıcı işgüzar fakültəyə çevrilib və öz proqramlarının və dərslərinin hazırlanması və təqdim edilməsində keyfiyyət və yenilik öhdəçiliyinə görə beynəlxalq nüfuz qazanmışdır. Bu fakültə Azərbaycanda regional tələblərə uyğun açıq Qərb təlim sisteminin tətbiqi və inkişafında birinci olmuşdur. İqtisadiyyat və menecment fakültəsi bakalavr, magistr və doktorantura proqramları təklif edir: