Muqaddarwaalon ko hi aati hai chain ki neend Ameeron ki qismat men yeh nemat hai kahan
Yüklə 295,67 Kb.
|
| 84.
Naql mat karo, ai khosha cheeno Kya karoge mere guzar jaane ke baad Khayaal ‘sahil’ ke bhi honge fana, uske saath Khwaabon ka kya karoge, uske so jaane ke baad 85. Aawaragi e dil hai per aawara nahin Aatish hai badan men per sharara nahin Kis munh se karega husn ki woh baaten Apne dil ko jis ne kabhi sanwaara nahin Falak men charaghaan hai bahot kuchh, yaro Per, har chamakta nuqta koi sitara nahin Fikr kyon hai kafir, karam farma hai Maula Woh sunta hai uski jis ne pukaara nahin Sajde na kiye na maangin duaen jis ne Woh banda e khuda kya jo haara nahin Yaqin ho jis ka kaamil riza e khuda men Woh insan, ai charahgar, be chaarah nahin Afsos, hungaama ba pa hai har su aaj aisa Shayad gaayegi bulbul, geet dobaara nahin ‘Sahil’, woh tu nahin hai na zikr woh tera Jo sahil be bason ka sahaara nahin 86.
Yeh “Sahil” Kaun Hai ? Ba khabar hai yaro, woh quwat e fughaan se Ke raabita hai uska khudaaye meharbaan se Log takte hain falak ko, mah o anjum ko, magar Hoti hai uski guftagu rozaana aasmaan se Khalwat pasand woh insaan, mehfil hai uski apni Deegar hai manzil uski, raah e kaarwaan se Umr raseedah woh bashar, khazaan ka woh adoo Mila de koi mujhko, us dil e nau jawaan se Milo to jaan jaoge, baat kis ki hai yeh logo Pehchaan jaoge usko tum uski muskaan se Sumundur se yaaraana, safiney ka woh dost ‘Sahil’’ hai naam uska, pursish karo toofaan se 87.Bahas qismat ki ho to baat sitaron ki karo Daastaan mizraab ki ho to baat sitaron ki karo Dil jalon se milo to baat angaaron ki karo Sair gulshan ki ho ‘sahil’, to baat bahaaron ki karo Gulshan men miley jugnu to raah raushan woh karey Baat gulaabon ki nahin, baat sharaaron ki karo Bana raha hai insaan jahan ko aaj yun khandar Peshraft ki nahin, baat boseedah deewaaron ki karo Baat baat men hoti hai tafreeq bahot ‘sahil” Zikr nigaahon ka ho, to baat ishaaron ki karo 88. Ranj o gham na ho to phir aazaar kya ho Khazaan na ho to kaho bahaar kya ho Dukhi hotey ho kyon dil e muztar se tum Be qaraari na ho to qaraar kya ho Sukoon ho musalsal sumundur ko, gar Phir madd kya aur kaho jawaar kya ho Jaavidaani to mahz khwaab hai, yaro Daaim ho zeest to na paayedaar kya ho Gar dil men rahen raaz pinhaan tere Phir nihaan kya ‘sahil’, aur izhaar kya ho 89.
Yaan kuchh bhi to “sahil” hamara nahin Phir bhi ye baat kyon aashkaara nahin Kya hua hai jahan ko aaj maula tere Bin hasad o rashk ke guzaara nahin Kis daur ki baat kiya karte hain log Yaan iram sa koi aaj nazaara nahin Kyon karen hum tawaqqo kisi se kaho Ab to kaandhe bhi apne sahara nahin Le jayega lahad men aur kya tu “sahil” Siwa khaak ke usey kuchh bhi gawaara nahin 90.
Main ne kuchh na maanga namaaz men Jabeen ko khaak se milaya, bas Khuda, khuda, mere lab pe tha Usey dil men “sahil”, basaya bas 91.
Sarapa ho ibadat to woh aah aur hi hai Sar sabz ho mausam to nigaah aur hi hai Mushtaaq hai sukoon ka to jaan le, ai “sahil” Nahin kaif e majaazi , woh raah aur hi hai Sarapa, head to toe Sar sabz, verdant Mushtaaq, yearning Kaif e majaazi, worldly ecstasy 92.
Rishton men qaatil to be zabt zabaan hai Mahabat men nigaah to dil ki zabaan hai Firasat ko samajhte hain taqreeren aaqil Firasat men “sahil”, kh-moshi hi zabaan hai Be zabt, Uncontrolled Firasat, Wisdom Taqreeren, speeches 93.
Khwaab men jo jalwagar aaj saraab hua Haseen tha “sahil”, per khwaab mera kharab hua Khuld ke main dar pe tha, hur mere aagosh aankh khuli to din o raat ka phir wohi hisaab hua Jalwagar, manifest Saraab, mirage Khuld, heaven Aagosh, embrace, clasp ================= 94. Rang gulon ke kya dekhta hai Baat kar to khush bu ki “Sahil”, laal to naar bhi hoti hai Baat kar to khush khu ki Naar, fire Khu, disposition 95.
Hua karti thi angushtari Wafa ki paimaan kabhi Kyon hoti hai aaj, tu hi bata “Sahil”, tauheen us zabaan ki Angushtari, Ring Paimaan, Promise Tauheen, Insult 96. Kab tak sambhaale rakhen zameer ko Kab tak odhe rakhen nang tasweer ko Karta hun bayaan jo dil bolta hai Na pasand ho, to padho aur dabeer ko Kis ki qismat men aamad kaun hoga Kya khabar thi raanjhe ki heer ko? Dil apna hi raazi nahin hai jab Kya kahen sanam dil e pazeer ko Zameen se falak tak qaid khana hai Zindagi hansti hai dekh aseer ko Tauq men kya rakhoge rahgeer ko Shaikh, aasitaan men band peer ko Tajurba e shahood hai faqeer ko Khuda se kya vaasta ameer ko Zabt e sukhan aur zinda zameer Phir kya chahiye sach ke safeer ko Ajab hai yeh ahd e nau aaj yaro Kab talak kosen apni taqdeer ko Aaj chalti hai zabaan, kainchi si Miyaan men rakho shamsheer ko Fikr silah ki met kar, kar sayi apni Hukm e khuda maan bande, tadbeer ko Hum khwabon se rehte hain door, “sahil” Tu rakh paas apne, ilm e taabeer ko Dabeer, writer Aamad , arrival Pazeer, admission, acceptance Aseer, prisoner Tauq, collar, meaning like chained Shuhood, mystical experience of gods omnipresence Safeer , mediator, ambassador Ahd e nau, New Age Shamsheer, scimitar Tadbeer, to plan, deliberate Taabeer, interpretation 97. Be fikri ko kaif kyon kehte ho Zindagi se door kyon rehte ho Jee lo yaro, “aalam dobara neest” Qaza ka zulm kyon sehte ho Jis shai ka aana jaana laazim hai Us ka muntazir kyon rehte ho Kar lo sumundur ka safar, yaro Jazbaat men kyon ja behte ho Kya nahin hai kuchh aur karne ko “Sahil”, tum bhi kyon shayr kehte ho 98. Mahz tu nahin hai vaaiz, insaan aur bhi hain Door hai bahot jannat, armaan aur bhi hain Apne dil ko na samajna chaman tum mera Dosto, mere jahan men gulsitaan aur bhi hain Tauq o zanjeer, zamin o falak, subh o shab Lekin, hayaat ki paabandiyaan aur bhi hain Maana, tu khaak e zamin ko takta hai falak Lekin, tujh se aage to aasmaan aur bhi hain Haseen maante hain chaand ko daaghon samet Naaseh, per daaghdaar daamaan to aur bhi hain Ahd e e nau ke takabbur ke kya kehne, logo Kyon bhoola hai insan zamaan aur bhi hain Kyon jhukta hai insan aaj insan ke aage Kya khuda ke siwa meharbaan aur bh hain “Sahil”, jidhar dekhiye aaj tamalluq paaiye Kya ab ibadat ke saamaan aur bhi hain Mahz, sirf Tauq, collar to enslave Takabbur, arrogance Ahd e nau, New Age Tamalluq, sycophancy 99. Har chashm ho num zuroori nahin Izhaar ho har gham majboori nahin ru ba ru e zulm rehna khaamosh Yeh to mian “sahil”, saboori nahin 100. Woh sitaare jo kabhi sahaarey they Falak se kis ne utaareyhain Har su hai ghaarat o zulmat “sahil” Hum ne din aazaar ke guzaarey hain Jidhar dekhiye tabassum fana hai Gulon ke evaz angaarey hain Dasht o sahra bani hai yeh duniya Udaas bahot aaj sitaarey hain Andheri hain raaten, faza hai andhi Zameen per lekin farzi sitaarey hain Do din ki chamak, naam o shauhrat, Phir aasmaan men phirte ghubaarey hai In ahl e siyaasi ki fuzul taqreeren Marte to aakhir ghareeb be chaarey hain Ai chaarahgar e bareen tu hi kuch kar Log baithe to bas, tere sahaarey hain 101. Teri navazish, teri mehar, tera karam , Allah Rahey mujh per hamesh teri nigaah, Allah Naam tera hi rahey lab per mere “Sahil”, Prabhu kahey ya Allah, Allah 102. Khul ke jee le “sahil” tu Kisey maaloom kya rakha hai hayaat men Na doobta suraj na hi ubharta chaand Jaanta hai kya rakha hai is se nejaat men 103. Meri humsafar hai khaak e zameen Jaise jaame ki hai meri assteen Falak men jaise hain mah o anjum Aaghosh”sahil”, jaise mah jabeen 104. Kaafir hi sahi, kuchh ibadat to ho Ulfat na sahi khushbu to rahey Armaan ka hona zururi hai “sahil” Haasil na ho, aarzoo to rahey 105. Aansuon ki zanjeer khatarnaak hoti hai Un heeron ki maala dardnaak hoti hai “Sahil”, chashm ka bharosa kya kijiye Dil ki nigaah to aala paak hoti hai 106. Pathar men gar dil hota to kh-mosh na rehta Sang dil bhi phir ‘sahil’ kabhi kabhi to rota 107. Kh-mosh zaban dikha to manen Neela asman dikha to manen Fitrat aisi har shai ki aaj“sahil” Maghrib se ho aftab uruj to maane 108. Hum na they, humsafar na tha Rahbar na tha, rahguzar na tha, Aisa bhi tha khalwat men “sahil” Aarzu na thi, jigar na tha 109. Zindagi se tang aaye, qaza khush hogi Karo lo yaro tum hisaab ab, Boriyat hi sahi, khwaab to hain “Sahil” Kar lo tum intekhaab ab 110. ‘Sahil’, basta ho dil men jiske maula, bata Milegi kya imdaad usey duaaon se teri 111. Kab talak jiyun nihaan nadamat ke saath Saunp dun main kab talak zeest qayamat ke haath Kabhi to chhord mujhe tanha, ai qaza Kab talak chalega ‘sahil’ gaam ba gaam tere saath Nihaan. Hidden Nadamat. Remorse Zeest. Life Qaza. Death Gaam ba gaam. In step 112. Ek musht e khaak hi bahot hai, diman ka kya karen
Musht e khaak, A fistful of dust Diman, A heap of rubbish Khalish, prick Saman, jasmine 113. Khuda tak pahunchne ki qu’wat hai mujh men Azaan bhi main khud de sakta hun Na mullah, na pandit na qazi koi ‘sahil’ Maula ko bayaan main khud de sakta hun Qu’wat, Taaqat Azaan, Call for Prayer 114. Ai Jawani Tere Kya Kehne Algharaz mukhtasar hai ilteja jawaani se Behti rehna peeri tak darya ki ravaani se Jhoomti rehna, ai haseena, dilruba tu ‘sahil’ ki Chalti rehna hamesh tu apni hi man maani se 115. Gaye waqt ki baat mat karo
116. Sitamgar ko duaaen dete ho Sitam jab tum per jaari hai Ulfat bhi kya shai hai ‘sahil’ Jazba dil per bhaari hai 117. Kaun karega intekhaab raahzan aur gulcheen men Kaun batayega faasila ufaq aur zameen men Mahabat bas ek jazba hai, dil to hai naadaan Nahin karta hai farq ‘sahil’, saade aur haseen men 118. Kyon kaanp raha hai tu jab zameer hai paasbaan Lab pe naam khuda ka, pukhta tera imaan Sar ba sajda hai tu, zameen hai teri zaamin Dekh raha hai tujhko ‘sahil’, hamdard aasmaan 119. Bhool gaye jahan ko hum, khud ko hi aazmaate rahey Apna hi chehra ainey ko, yun hi hum dikhaatey rahey Hazaar they jahan men naghme, andaleeb chaman men thi Fursat na thi ‘sahil’ hamen, hum khud ko geet sunaate rahey Na dekhe hum ne mah o anjum, jabal na darya kahin Majaazi duniya ke jalwon se, dil apna behlaate rahey Aawaaragi thi har taraf, shor o ghul o hungaama Dastak de de kar hum, zameer ko apne jagaate rahey Samjhe na log ‘sahil’ hamen, , na hi yeh zamaana kabhi Ke narm tha yeh dil bahot, so ashk hum bahaatey rahey Ajab hai daur bahot yeh yaro, masroof har insaan yahan Hayaat sab ki apni hai, yeh khud ko hum samjhaate rahey 120. Kyon kaanp raha hai tu jab zameer hai paasbaan Lab pe naam khuda ka, pukhta tera imaan Sar ba sajda hai tu, zameen hai teri zaamin Dekh raha hai tujhko ‘sahil’, hamdard aasmaan 121. Ilteja Sara ba sajda hun main ‘sahil’
Mashghool khuda ki baargaah men Kaash, meri sunwaayi ho Jab talak hun zinda yaro Kabhi na koi ruswaayi ho Amaal sab ke nek hon Dilon men sabke paarsaayi ho Baad e marg, ai dosto Kh-moshi se vadaayi ho Sar ba sajda hun main ‘sahil’ Dua ko haasil pazeeraayi ho 122. Meri har ghazal ka matla hai tu Ibteda bhi aur maqta hai tu Ek shayr kahun hayaat ko agar To har nuqta har misra hai tu Shauq jo bhi hain dil men mere Har jazbe ka inteha hai tu Karti hai jo rukhsat khazaan ko Us bahaar ka har patta hai tu Udaas hai bulbul chaman men aaj Sada uski aur naghma hai tu Dhalta hai suraj har shaam jaanam Per, har subh to nikalta hai tu Dil khush hai ‘sahil’, hairaan bhi hun Jis tanavvo se likhta hai tu Matla, opening shayr of ghazal Maqta, Last shayr Tanavvo, Variety Ibteda, Beginning Inteha , End, limit Tifli
123. Wo apne gaanv ki galiyaan theen, wo rang o bu bhi apne they Haqeeqat se hum lipte they, aur door kahin kuchh sapne they Dasht o sahra sab hamare, gul o khaar bhi aashna Raqeeb o dushman they nahin, wo log to saare apne they Woh khaak e zamin bhi apni thi, wo chahchahati chidyaan bhi Koi ghair na tha, na ajnabi, wo khwaab bhi saare apne they Us shahar ka naam Lahore tha, maazi ka wo aham hissa hai Patangon ka hujoom tha, wo “bo kaate” bhi apne they Basant ke chaawal apne they, sab kuchh ‘sahil” apna tha Woh “bante” apne, woh aansoo apne, woh din tifli ke apne they Tifli, Childhood Haqeeqat, Reality Dasht o sahra, Desert, wastelands Aashna, Familiar Raqeeb, Rival Maazi , Past Aham , Vital, important Hujoom, Crowd Bo Kaate, the feral call of victory in a kite-flying competition Bante, Marbles 124. Ek lamha jo saath guzara Un sadiyon ke tha barabar Jo tanha bitaaye ‘sahil’ Khud se koson door 125. Koi yeh to batao rooh e kaayenaat kya hai Insan ki zaat kya hai Gar zindagi nahin ‘sahil’ To phir rab ki saughaat kya hai 126. Wafa ki umeed thi jin se wo mubtala they saazishon men Hum to wafa ke naam per ‘sahil’, jeete rahey ibadaton men Sahil ke tamashaiyo, kya jaano tum zor e girdaab ka Us se puchho doobta hai jo safina e hasraton men Kar lo jo chaaho yaro bas khayaal rahey is baat ka Izhaar paakeezagi ka iyaan hota hai to neeyaton men Kaun kaisa shakhs hai batati hain uski sohbaten Aap ka andaaz kya hai, mehmaan batate hain daawaton men Mukammal jee hai zindagi usi shakhs ne, ai dosto Guzri hon raaten jis ki donon, aasaaish aur aziyyaton men Kaam hai yeh vaaiz ka, isi liye hai minbar ‘sahil’ Kaun sunta hai kisi ki aaj, kya rakha hai teri naseehaton men 127. Niyaam men mere imaan ka teer hai But na sahi per dil men tasweer hai Qaafile ka hissa hai tu ‘sahil’ Kaarwaan e jahan ka ek hi meer hai Basta hai woh dil me sab ke Humsafar, rahbar, zaheer hai Rakhta hai jo dil men usko Maula ka woh safeer hai Hasraton ko zanjeer na pehnayi Woh daur to yaro sa’eer hai Bhatak jaata hun main yaro kabhi Paasbaan mera zameer hai Kasa ba dast hai so faqeer hai Gar nek hai to awwal ameer hai Ma’bad kyon jaaun ‘sahil’ bata Jab dil hi mera ek deer hai 128. Khaar ko ‘sahil’ gul ka humne samar maana Teri be rukhi ko dost apna shar maana Duaaen deen navaazi ki, mezbaan ko humne Mehmaan ban kar gaye jahan, usey ghar maana Hawa bhi aaj karti hai takabbur dekhiye Inkisaari ko humne yaro awwal hunar maana Manzil ki thi justaju na hi raah e khuda ki Le gaya imaan jidhar, usey hi rahguzar maana Kyon samajhte ho tum yaro isey thikana ek Zindagi ko humne ‘sahil’, bas safar maana 129. Khwabon ki taabir kya karni Haqeeqat se to mil lun Guzarti ja rahi hai zeest ‘sahil’ Khud se to pehle mil lun 130. Mushkilen hal bhi kar lenge Kuchh waqt ko aasaan to hone do Lab e darya kyon baitha hai ‘sahil’ tu Yaro, isey ravaan to hone do Udaasi bhi hogi rukhsat zurur Armaan ko jawaan to hone do Asad se kya darna biyaban men Pehle usey to hirasaan hone do Kab talak rahega dil halka bol Dosto, raaz ko pinhaan to hone do Chaley jaayenge hum bhi ik roz ‘sahil’ Ajza ko pareshan to hone do 131. Momin hun,hindu musalman nahin Darja teri nazron men kum hai kya Baanta hai insan ne aise tujhe Ya rab, aaj sab ka alag khuda hai 132. Zindagi na ho to fana kya ho Soz e dil na ho to chashm e num kya ho Yehi masila hai raat o din ka, ‘sahil’ Aur khushi na to ranj o alam kya ho 133. Khaak e zamin se zarra utha Aashnayi ho jayegi Aks kya dekhna phir ainey men ‘Sahil’, teri aarayi ho jayegi 134. Jab dubta hai aur sota hai Sochta hun kya aftab rab ko takta hai Mera khayal saraab hi sahi Sochta hun ‘sahil’ shayad ho sakta hai 135. Gar Zeest na ho to fana kya Soz nahin to chashm e num kya Yehi masila hai raat o din ka ‘Sahil’, khushi na ho to ranj o alam kya 136. Paighambar la saani hote hain Per woh bhi faani hote hain Farq itna hai ‘sahil’ Ke wo, nooraani hote hain 137. Ibadat men mahabat na ho To wo kufr hai Dil o jaan se na chaaha khuda ko To ‘sahil’ wo momin kaisa 138. Jahan ko rashk e jinan bana lo Rab ko dil men ‘sahil’ basa lo Mehbub ho goya aashiyan men Insaniyat ko apna aqeedah bana lo 139. Shama jalti hai to uth ta hai dhuaan Soz e dil se nikalti hai fughaan Haal e dil ka zikr kya karen, ‘sahil’ Jab chashm e num se hoti hai iyaan Ek jugnu hi kar de raah raushan meri Sambhaal le falak apna, kehkashaan Zeest tijarat nahin hai ‘sahil’, varna Har guzarta lamha hai mustaqil ziyaan Tu jalwa dikha, ai haamiye be kasan Har su hai zulmat, hai tera jahaan 140. Waah naseeb, haryali kahin sard Kahin darmaan aur kahin dard Is men kya hai baat ta’ajub ki, yaro Kahin jashn, kahin lahd ki gard Guzar jaaye zindagi bhi bin azaab Mil jaaye koi darmaan koi hamdard Be rukhi ki is duniya men, logo Kya hai yahan koi aisa aaj fard Jisey dekho khud se ya kisi aur se Lar raha hai ‘sahil’ woh nabard 141. Patharon se nahin, ‘sahil’ Sang dilon se deewaaren banti hain Baahami nafraton ko mita do yaro Inheen se sarhaden banti hain Khuda ne faqiron ko soch kar chuna hoga 142. Khuda ne faqiron ko soch kar chuna hoga
Intekhaab to kiya hoga, maula ne zurur Ibadat kaun karega meri, yeh bhi socha hoga Daulatmand ka darja, hai mere barabar jahan men Rab ko rab ki kya zururat, yeh bhi socha hoga Siwa asbaab ke kya milega ameeron se mujhe Kasa ba dast ghareeb ki, aqeedat ka socha hoga Kisey chahiye karam mera, kaun hai asl haqdaar Kisey hai zururat meri, yeh bhi socha hoga Momin ko hi haasil hai, mehar rab ki ‘sahil’ Pe, kaafiron ka bhi yaro, us ne socha hoga 143. Momim hun, phir ijazat har Ma’bad ki kyon nahin hai bata,
144. Na samajh paayi shoa teri wus’at e mayusi ‘sahil’, Aftab se ja kehne lagi andhera zyada hai kahin aur chal 145. Sookhe dil sookhi zamin Nadi puchhti hai main kahan jaaun, Raah sumundur ki tu dikhla ‘sahil’ Kidhar ja kar sukun paaun 146. Wo hubb e watan samjhega kya Jis ne ma ko bant te na dekha ho Zarre ko wo jaanega kya Jo khaak e zamin se dur ho 147. Khaak hun, khaak men hi mil jaunga Khaak se rab ko main paunga Muztarib dil ko, ai ‘sahil’, phir Sukoon mukammal main dilaunga 148 Jhut ka maza apna hi hai Jaise husn ka hai hijab me Sach men woh rangralian kahan Jo chhupi hain ‘sahil’ naqaab men 149. Hasraton ka yerghamaal hun Phir bhi insan main kamaal hun Har banda khuda ka hai yakta ‘sahil’ Aur main bhi usi ki ek misal hun 150. Khun e jigar se likh ‘sahil’ Qalam dawaat ki rivayat purani hai Khun bhi sasta hai jahan men aaj Adam zaat ki ye kahani hai 151. Mai men wo josh kahan jo tujh men hai ‘sahil” Sukun bhi surur bhi, tasalli e hayat bhi Shaatir hai tu, chaal teri, muntazir hai qaza Kuch lamhe hain jeet ke phir hai maat bhi 152. Na sahi naam ‘sahil’ na teri shauhrat koi Likhte ja tu rekhta, bayaan kar jazbaat ko tu Kis ki chahiye waah tujhe, sahib e zauq kaun hai Urdu zabaan ki ta’eed men, ek kar din o raat ko tu Rekhta. Urdu Sahib e zauq. Connoisseur Ta’eed. Support 153. Khaliq e shams o qamar ki rah dikhaye koi Jahan afreen se milaye koi Mukammal hui akhtar shumari Ab sirhaney ‘sahil’ sulaye koi 154. Jo aaye dil men tu wohi kar Kya kahega zalim zamana mat puchh Paheli hai hayat ‘sahil” Haqeeqat kya, kya afsaana mat puchh 155. Dheemi hui sham’a yaadon ki jab Aahon se lau badhaayi bahot Riza e khuda se hota hai sab Yeh tasalli ‘sahil’ dil ko dilayi bahot 156. Ijjaaradaari ‘sahil’ kis ki rab per Usey jis naam se chaaho pukaaro 157. Ek Sawaal Zindagi muamma hai to fana kya hai Inkisaari men batao ana kya hai Rab se jawaab to milne se raha Yeh sab sochne se ‘sahil’, bana kya hai 158. Sahil’, milao koi aala faqeer mujhe
Insan ki sada se tang hun main Parindon ki sunao safeer mujhe Nazaare jahan ke bahot dekh liye Dikhao ab khuld ki tasweer mujhe Jabal se bhi oonchey mahal dekh liye Dikhao insaniyat ki taameer mujhe Be khauf jo likhta ho aaj kahin Ab milao koi aisa dabeer mujhe Safeer, Chirping Khuld, Heaven Dabeer, Writer 159. Zara izteraab e shauq ‘sahil’ ka dekhiye Peeri men geet jaavidani ke gaata hai woh Kehiye saraab, ya maaniye isey khwaab Inhin khayaalon se dil behlaata hai woh 160. Gorkan se shanakht ki umeed kaisi Zarra e khaak khaak ka hissa hai Farq kya tujh aur mujh men ‘sahil’ Zeest, saanson ka qissa hai 161. Aap hi ki aulaad hun ai validain Aap ki inayton ka mamnun , Aap khush lagte hain mujhse, Ke nazar aata hai chehre pe sukun 162. Masih ke mojize to masih hi jaane Hum per karam khuda ka hai ‘sahil’ Phir bata, mojize kya paane 163. Jabal ko ai ‘sahil’ yun hilaya na jayega Qasd na karoge kuchh paaya na jaayega Gar dil se na nikle sada, muhaal hoga phir Paighaam dil ka yaro pahunchaya na jaayega Ehtiyaat baratna dosto, zabaan per ho lagaam Varna, chhoota hua teer bulaya na jayega Aandhiyon se chalna bach kar zara huzur Aandhiyon men charaagh jalaya na jayega Jo likhta hai tu ‘sahil’ soch samajh kar likh Ke harf ek bhi kabhi mitaya na jayega 164. Umr ka lihaaz ab kahan Dua wo salaam ab kahan Taraqqi ka zamaan hai ‘sahil’ sahib Wo izzat wo ehtiraam ab kahan 165. Shab ke andheron men sitaare dekhna Saahil pe chalte chalte kinaare dekhna Soney chaandi se hoti hai hirs o havas Yüklə 295,67 Kb. Dostları ilə paylaş:
|