Muqaddarwaalon ko hi aati hai chain ki neend Ameeron ki qismat men yeh nemat hai kahan
Yüklə 295,67 Kb.
|
|
252. ‘Sahil’, maana ke zindagi nahin hai jaavidaan
253. Tifli aur peeri men fasila hai bahot, Per qareeb hai ‘Sahil’ hain donon bahot 254. Dast e qudrat se haath mila le Baramad hogi taskin tab, Maangta hai dua tu jis se Wo dekh raha hai ‘sahil’ sab 255. Kahin reg e sahra, kahin garm hawa Kahan hai ‘sahil’ woh naseem o saba Simoom na chalti thi baharon men kabhi Ajab hai gulshan ki aaj aab o hawa Halke jhonke hawa ke they kaafi kabhi Gulon ko darkaar na thi aur koi dawa Aaj ashk falak ke bhi girte nahin Haaye, shabnam kahan hai, mausam hai sookha Siyaasi hain parde har ja aaj ‘sahil’ To hi bata kya hai yeh maajra Mat jaao chehron per baatin men jhaanko Yaro, dil duniya ka bahot hai, bahot hai rookha 256. Hadon ko ‘sahil’ salaam kar Sarhadon ka ehtiraam kar Khwabon ka hona zururi hai Per, hasraton ko tu ghulaam kar 257. Kham dekhiye zulf e shikan dar shikan ki Yaar ke badan ki angraayi aur phir saman ki Tishnagi bujha kar sukoon jo dilaaye Kya kehne us darya ke rafaqat o lagan ki Zakhm dil ke agar mundamil na hon, yaro Phir baat kya karni koi zakhm e kuhan ki Mahak sadaqat ki ho tab’a men jiske Zururat kya usey phir mushk e khatan ki Khaak e watan se anmol kya hai ‘sahil’ Un ashkon se, jo yaad dilate hain watan ki Dua meri hai maula, ilteja bas itni Qaaim rahey paakeezagi mere daaman ki 258. Daroon men hai khuda berun men jahan Sukun yahan zeest wahan, Mahabat zamin se muntazir hai aasmaan Jaaun ‘sahil’ to jaaun kahan 259. Haath jodne ke liye Jabeen sajdon ke liye Zabaan di hai tujhe ‘sahil’ Maula ne duaaon ke liye 260. Kya dega tu mujh ko, ai charahgar, dawa Jab mujh pe raftgaan ki yaaden hain aur unki hai dua Kya karenge hum, shaikh, tere kaakh o gulzaar ka Jab falak hai, khala hai, aur mehakti hai hawa Maana ke kamzor hun, fana hai anjaam, per Tu kabhi to, ai maula mujhe, tajalli toor ki dikha Yaro, daagh e daaman dekh kar ghairat na karna Paak hai dil faqir ka, usey na karna ruswa Kaun sunta hai tere khutbe zer e mehraab, aaj vaaiz Tu mahz ahl e jahan ko unka aaina dikha Bood o baash men kho jaana, gham e hasti hai Tu zeest ke har lamhe ka ‘sahil’ mukammal lutf utha - 261. Haal e Dil Betaabi si hai dil men aaj, ranj o malaal nahin Jis gali men tha maikadah kabhi, aaj kalaal nahin Wo daur tha ehtiraam ka, jad e amjad be misaal Karte salaam jhuk kar woh, aaj us ki misaal nahin Maatam kijiye to phir, aap zamaane ka kijiye Rotey nahin ghamkhwar ab, ke jeb men rumaal nahin Kya ahad woh koi aur tha, woh khat o khaal nahin Ghurbat tab bhi thi ‘sahil’, per log paayemaal nahin Insaniyat ka yahan qatl hai, hirs o havas ka maahaul Naam dete hain isey taraqqi ka, maula zavaal nahin Tu dekh raha hai kh-mosh kyon, kuchh to kar khuda Kya kaaenaat teri tu hi bata, aaj be haal nahin Yeh koi tabsira nahin hai, ‘sahil’ ka asr e haal per Haal e dil hai yeh maula, bayaan e khayaal nahin 262. Kya jeena behtar hai khwabon men Ya zeest ki chund azabon men Jab jaadu nahin hai sawalon men ‘Sahil’ jaadu kya hoga jawabon men 263. Saqi na mai na hi rind koi Labrez e taskin hai paimana mera Yeh khumkadah hai kaisa ‘sahil’ bata Har jaam jahan hai deewana mera 264. Deewaron se zindaan bante hain Zer e falak hai khula ashian mera, Zamin ko baanta hai insan ne khub Kehne ko hai abhi asman mera 265. Jaati baharon ki shaam e khazan hun Ahd e peeri men dil jawan mera Waqt se jhukte shajar ki manind Ladkhadata hai ab bayaan mera 266. Hasti e zeest ki peeri dekh li, varna Dil rehta sozaan mera, Gar jawani ke josh men hote fana To hota kitna phir nuqsaan mera 267. Kahaniyan kya sunaun kaafi hai itna, Ke hayat hi meri hai afsana mera, Usi men ansu aur tabasum Yehi hai ‘sahil’ ab khazana mera 268. Taskin aur qaroon ka khazana Gosha e uzlat ko mamura e aalam se kya lena, Hasil ho jisey khud men sukun, ‘sahil’ Usey jahan ke darham barham se kya lena 269. Jaan javegi kaun ajal qareeb le javega Mazaar pe sada e andaleeb sunavega, Ashk baha kar kaun Baab e naseeb,‘sahil’ padhavega 270. Fart e shauq men kami aa rahi hai Shokh chashm men kyon nami aa rahi hai, Bahr e hasti men kyon ‘sahil’ Kuchh ghami aa rahi hai 271. Padhni ho namaz to musalla dikhao Darkar mojize ki ho, to masiha bulao Jab taskin ho dil o zahn men, ‘sahil’ Tab yaad karo maula ko aur sawaab pao 272. Har ja khuda hai per insan men gumaan hai, Har taraf hai ma’bad ‘sahil’ kya yeh imaraton ka jahan hai 273. Gulsitaan men saman aur gulaab bhi hain Hum jaise unke khayal o khwaab bhi hain ‘Sahil’, phoolon ko ghaur se dekh ek nazar Kya woh hum jaise be-sukun o betaab bhi hain 274. Raftaar hi kuchh aisi thi zindagi ki ‘sahil’, Ke safiney se utarne ka waqt hi na mila 275. Parwaaz to jannat tak bhi mumkin hai ‘Sahil’, Bas ek ishaara maula ka chaahiya 276. Bedaar rakh tu khushion ko Gham kahan sotey hain, Rakh tabassum ka dil men partau ‘Sahil’,dukh to sab hi ko hotey hain 278. Sheftah kehiye usey woh deewaana hai Zindagi uski usi ka hi fasana hai Mahabat bhi aaj ek tijarat si hai Kohkan ka nahin, taajir ka zamana hai Aaj ki sham’a ke havas ko dekhiye zara Raushani nahin, usey parwaane ko jalana hai Tu jannat men hoga masroof, Maula Per, tujhe insaniyat ko phir se jagana hai Daulat se nahin ai ‘sahil’ kabhi Hamen to mahz zeest se dil lagana hai Naseehaten na de, kaam vaaiz ka hai Saliqa jeeney ka khud ko seekhaana hai 279. Ek raat aur guzri aftaab hua tul’u,
280. Mukammal jeena hai ‘sahil’ to ulfat kar, per, Zeest apni se nahin hayaat auron ki se kar 281. Jannat men milta ho shayad kisey khabar ai ‘sahil’, Lekin, zamin per mukammal sukun insan ki taqdeer men nahin likha 282. Zabt e sukhan firasat ki nishani hai, Goya ‘sahil’, bechaarey zameer ki paasbaani hai 283. Insan hun bhagwaan nahin pareshan hun, Rooh hai per raakh hun, aatishdaan hun 284. Zabt e girya se bante hain darya ke toofaan, ‘Sahil’, aansuon ka behna hai asl darmaan 285. Kal shaam ufaq se door tha bahot Aaj aaya hai dar pe aftab mere, Wo bhi bin abr ki paasbaani ke Aaya hai aangan men be naqaab mere 286. Afsana goi to waqt se khilwaad hai ‘sahil’, Haqeeqat hai mukhatib tere aur guzra tera shabaab hai 287. Tajdaar e haram ko bana le sanam Mit jayenge tere guman o bharam, Basega dil men jab rab tere Dubenge ‘sahil’ jahan ke sab gham 288. Main ne kuchh na maanga namaaz men Karam tera hai umr daraaz men, Sukoon mila kaamil bahot Maula, ‘sahil’ ko is andaaz men 289. Khush ru o khush usloob paayemaal hai Khuda ke jahan ka aaj yeh haal hai Haasil hi mudda hai ab zindagi ka ‘Sahil’, Afsos , har dao pech ka jaaiz istemaal hai.
To soz e gham tera jabal ko hila deta, Ab to ashkon se bante hain darya mahz Varna, ek aansoo tera zamin ki tishnagi bujha deta 291. Dozakh o jannat hotey hain donon Muqaddar ki badalti karwaton men Jaise, hotey hain khaar chaman men, ‘sahil’ Phoolon ki mehakti baahon men 292. Kyon nahin hai rang o bu ‘sahil’ ke zahn men Mehakti hai jo subh o shaam, gulab o saman men Hirs o havas ko ja na miley gar khaana e dil men Bahaar hi bahaar ho phir dil ke chaman men Sookhe na phir phool koi na khaar karey koi masti Nishaan na ho andheron ka kisi ke bhi aangan men Khalwat men gar miley sukoon to batao hamen, yaro Uthey kyon phir arzoo hirs o havas ki zahn men Maqsad kya hai zindagi ka samjhaye koi kabhi Uth ta hai sawaal pecheedah, yehi sab ke man men Mizaan men tol ke dekho kabhi, ai firasatmando Gham se milti hai raahat kitni darya e ansuan men Na samjha saka koi hamen na khud ko hum ‘sahil’ Puchhenge ja kar khud hi se yeh raaz hum kafan men 293. Yun khadi hai duniya do raahe pe aaj Pehne hirs o havas o khaaron ka taaj Rashk e jinaan yeh banayenge kya Jahan per jo karte hain bandookon se raaj Yeh kaaghaz ke putle, yeh mitti ke dhaanche Bhoole hain ajal ko aur kafan ko aaj Samjhaaye koi, khuda hi sahi Muntazir hai ‘sahil’, inki falak ki meraaj 294. Ravani e darya nahin behr ki baat kar Sham o shab nahin sahar ki baat kar, Machalti maujen, urooj e aftab ‘sahil’ Aaghaaz e zeest o dopahar ki baat kar 295 Har gaam gham ko bhulaate gaye Geet khushi ke hum gaate gaye, Khwab khud ko dikha kar ‘sahil’ Khud hi ko hum sulaate gaye- 296. Baaten hotin hain aaj shajar ke samar ki Kaun karta hai baat uske jhukte kamar ki Nasoor zakhm ke hamdard to bahot hain yaro Fikr kisey magar mere dard e jigar ki Har rukh haseen hai aayena hai zaamin Kami hai to bas ek qu’wat e nazar ki Sarwat, shaurat, ik aarizi chamak men Tazleel hui hai aaj zameer o hunar ki Dikhaawa hi sab kuchh jahan men hai, ‘sahil’ Aftaab ke hotey auqaat kya qamar ki 297. Jab khaak hi ne tafreeq na ki taajdaar aur fakir men, Kya dhundta hai tu ‘sahil’ apni dast e lakeer men 298. Zaeef badan peeri ka nishhan hai Aabla pa hai per himmat e mardaan hai, Beshak gumaan humsafar ho, ‘sahil’ Lekin, har haal men pukhta mera imaan hai 299. Bujhta charagh subh ke aamad ki alamat hai Guzarti shab goya sahar salamat hai, Nur e shams o qamar bhi to, ai ‘sahil’ Khuda ka karam aur usi ki inayat hai 300. Andaleeb nahin hai parinda koi aur, Ai uqaab ilm haasil kar tu pehle sargam ka 301. Aansuon ka darya ban na be sabab nahin hota, Mafhum samajh ‘sahil’ tu gham ka 302. Naazaan kyon hai ‘sahil’ ke saman hai tere chaman men, Kyon bhoolta hai khazaan ko aur muqarrar saans badan 303. ‘Sahil’, ulfat se mahabat to karte hain sabhi, Laga kar dil aziat se dikha tu kabhi 304. Jab se main ne fana kiya ana ko ai ‘sahil’, Aayene ne kaha tab se mujhe ab nazarra kun hai tu 305. Kabhi darakhshaan tha chaman jugnu ki badaulat, Aaj, insan ne ‘sahil’ kiya mah o anjum ko bhi be noor 306. Ab to gunaah karne ki bhi himmat kamzor hai ‘sahil’ Tauba kunaan shab ab rukh e sahar na dekhegi 307. Hasti ki baat mat kar ‘sahil’ Sumundur ka bata wujood kya, Hujum e darya ya sumundur Us paani men bata maujood kya 308. Ajal ko maan mezbaan ‘sahil’ Zeest ko mehmaan, Shab o roz ko haqeeqat aur Umr daraaz ko armaan 309. Aarizi hai nishan tere har qadam ka Kya bharosa hai insan tujhe agle dum ka
Na jaaiz istemaal hai dair o haram ka Ashkon ka darya be sabab nahin hota Mafhoom samajh insaan tu ranj o alam ka Madd o jazr e zeest ki rooh ko jo samjhe Kya karega batao woh jaam e jam ka Siyaasi jahan men aur kya hoga, ‘sahil’ Zamana hai yeh ab jaur o sitam ka Andaleeb nahin hai parinda koi aur Ai uqaab, ilm haasil kar tu pehle sargam ka 310. ‘Sahil’, sitamgar kahun ya kahun isey meharbaan,
Haseen hai tu ai jism e khaak, be sabaat bhi Rakh tasawwur fana ka, aayeney men ai insan Sharaayat chund hoti hain aarzu e abad ki Kaun bad naseeb chahega hona kabhi javidaan Sangreza misl e khaar hai jabal nahin yaro Baaqi ab mizaan men kitne, maula hain imtehaan
Hairat kabhi boriyat se, takta hun khala men Shab o roz ka hai yeh tamasha, ai dost aasmaan Hasraton ka wujood samajh, ai dil e naadaan, Dua ban kar jaati hai jo uthey dil se fughaan Mah o anjum ki naql kyon kar raha hai tu Jaaiz hai uryaani unki, ai insan, har aan Har su hai zulmat aur aarzoo hai noor ki, Ai farishtah e ajal, tark e zeest nahin aasaan Zameen teri, falak tera, tu hi mezbaan, Itna bata de ai khuda, kya muntazir hai jinaan
311. Sambhaal lega gham apne ‘sahil’ na bhej ghamkhwar koi, Ho sakey to bhej maula faristah e bahaar koi Burey nahin hain rang khazan ke milte hain jism khaki se, Sair karun chaman ki main saath ho agar narm khaar koi Zeest se mahabat to fitrat hai, lekin ai ‘sahil’, Jaan bhi main kar dun qurbaan gar mil jaaye sazawaar koi Aisi bhi kya jaldi hai sabr to kar, ai munsif, Saza dena haq hai tera gar mulzim ho gunahgaar koi Zaqan pe ho ya daaman pe koi aisa shakhs deekhao, Haseen ho ‘sahil’ jo misl e maah per daaghdaar koi Shab o roz ki be dard gardish mustaqil hai yaro, Aarzoo hai dil men ab dheemi karey raftaar koi Jalwagaah hai hayaat is men joker aur hoshiyar bhi, Bhagwaan bhi ban kar dikhaate hain chund draamebaaz kirdaar koi 312. Wo dukhi tha to sharabi bana Qusoor kis ka hai tu hi bata Ikhtiyaar diya hai tu ne kitna Insan apne ko tu ne maula 313. Ishq bhi to ‘sahil’ ik qimaar hi to hai Aur zeest, maula se udhaar hi to hai Na pa saka Shirin ko qasd se Kohkan Qurbaani uski yaro ik haar hi to hai 314. Sar jhukata hai ‘sahil’ parvardigar ke aage Jhukta hai jaise tinka kohsaar ke aage, Jaise ghurur dosto Azamat e khaaksaar ke aage 315. Main Itna bhi nahin kharaab hun Na kisi ke chaman ka gulaab hun Na koi dasht o sahra ka saraab hun, Shab ka doobta hua sitaara sahi Per, main itna bhi nahin kharaab hun Na kisi dair o haram ki ktaab hun Na Geeta ya Anjeel ka baab hun, Rind maikade hi sahi, ‘sahil’ Per, main itna bhi nahin kharaab hun Main ne kab kaha main la jawaab hun Khuda ka jahan ko sawaab hun, Daaghdaar hun, lekin hun to insan Aur, main itna bhi nahin kharaab hun Apne hi sawaalon ka jawaab hun Apna sukoon, apna hi azaab hun, Log mujh se kai achhe hain ‘sahil’ yahan Per, main itna bhi nahin kharaab hun 316. Sab kuchh jo hota hai ‘sahil’ rab ki riza se hi, Per,usi ki di hui ana thodi si aazaadi bhi chahti hai 317. Gar meesaaq ho zeest o qaza ke darmiyan To kya jeena phir ‘sahil’ hoga aasaan Fana ki tareekh agar muqarrar ho jaaye Umeedon ke saharey na jiye phir insan 318. Ishq bhi to ‘sahil’ ik qimaar hi to hai Aur zeest, maula se udhaar hi to hai Na pa saka Shirin ko qasd se Kohkan Qurbaani uski yaro ik haar hi to hai 319. Apnon se thi umeed, ghairon pe tha gumaan Ghalat fahmi ka shikar ban na aaj kitna hai aasaan Alfaaz ki shireeni pe mat jaana, yaro Kaash hoti har dil ki bhi, ‘sahil’ ik apni zabaan 320. Daaghon se khauf kaisa daagh to chaand per bhi hain,
321. Main rang o bu e bahaar hun Haseen suron ka sitaar hun, Apna le mujhe ai khaak e zamin Tu tishna hai main raag malhaar hun 321. Jaisa hai, haseen hai putle Kuchh aur ban ne ki arzu kaisi, Har lamha guzarta hai saamne se tere Kuchh aur waqt ki justaju kaise 322. Woh mahabat hi kya ‘sahil’ jo hoti hai aur ki nahin jaati, Aur woh zeest hi kya jo hote huay jee nahin jaati 323. Iblees ki rahi koskish mustaqil, bura na hua Na kar saka woh mujhe haasil, bura na hua
Kuchh aadaten theen aisi, khwahishen na kaam Guzarte waqt ne kiya muzmahil, bura na hua Naasoor zakhm ne rakha zinda chund yaadon ko meri Na hua woh mundamil, bura na hua Khalwat pasand hai ab hamen apni dosto Chhor di yaaron ki mehfil, bura na hua Chalte rahey rahguzar per, kisi justaju baghair, Aarzu na thi, na mili manzil, ‘sahil’ bura na hua
324. Woh mahabat hi kya ‘sahil’ jo hoti hai aur ki nahin jaati, Aur woh zeest hi kya jo hote huay jee nahin jaati 325. Ai muttamanni insan kar le sulah haalat se, Kaun jeeta hai kabhi mutalavvin auqaat se. Mutamani, desirous Mutalavvin, fickle 326. Khwaab jo hain mere, wohi khwaab ‘sahil’ hain terey Gar aftaab hai tera to mah o anjum hain merey Andheron se kyonkar darna, marg o zeest se kyon Adam hi hai sab kuchh, kya bastiyaan kya derey Aaghosh men hi shab ki milti hai raahat sab ko Andherey na hon dosto to kya honge phir saverey Qismat men kis ki kya hai, khwaabeedah rahega kaun Andheron men nikalte hain safinon men machherey Wafa ki baat mat kar, aqeedat ki hai kotahi Maar e aasteen hain har ja, bula le tu saperey Khaali hain haath ‘sahil’, khaali rahenge terey Uthega na tu jis din bistar se phir saverey Har bhadakta shola banta hai ik din dood Naam o nishan nahin, na sulagte koi angaarey 327. Bataoge na gar raaz tum, raaz e fughan hamen Banaya hai phir kaho jaanam, kaisa raazdaan hamen Zinda dil hain, nafas purey, chalti phirti laash nahin Kyonkar banaya hai sang ka, phir ishq e butaan hamen Karni hai mahabat yaara to khul e aam kar deekha Sajde na kar tasweer bana kar, dil men pinhaan hamen Imtehaan kya lene us ghareeb ke jo sar ba sajda hai F Aani hain, khuda ke bande, mat samajh javidaan hamen Jhijhikna kya, dagmagana kya, jab qaul diya hai ‘sahil’ Qasmen kha kar di thi tu ne, apni zabaan hamen Liye hai bahut maula ne yaro imtehaan ta umr Kya pahuchaoge ab tum kaho koi gehra nuksaan hamen 328. Ghuroob se pehle aaftab ko dhalte dekha hai Maut se pehle zindagi ko sanwarte dekha hai Gulshan e hayat men sair karte, ‘sahil’ Hum ne ghunche ko fana se pehle ubharte dekha hai 329. Dhund le maazi men be naam o nishaan kahin Guzar gaye jo kaarwaan na jaane ‘sahil’ kahin Aandhiyon men kho gaye woh qaafile kuhan Koi baab e ishq o zulm o karam, koi daastaan kahin Tishna hun main kab se kinaaron pe baith baithe Bana loonga ashk e darya main apna ravaan kahin Andheron men kab mili hai manzil kisi ko, yaro Ba himmat ko hi milta hai, khaavari ka sultan kahin Ik muddat hui hai takte aasmanon ko, ‘sahil’ Samajhte na hon dua ko meri wo fughaan kahin 330. Udaasi aur khushi men farq kya hai ‘sahil’,
331. Gar haasil e jannat ho hasrat to samajh aati hai baat Neend ke jhonke aate rahen to guzar jaati hai raat Aqeedat to bharosa hai, baat bunyaad ki kaisi, ‘sahil’ Tu momin hai, kya hui hai teri bata rab se mulaqaat 332. Barg e gul jis roz ‘sahil’ baagh se hawa hua Ik hissa us chaman ka goya usi se phir juda hua Hazaaron gul khiley huay, saman o gulaab bhi Lekin, ik barg e gul ke hijr se, chaman bahot tanha hua Baithe baithe muntazir ik roz tha main aab ka Pyaas bujhayi ashkon se, ai tashnagi to kya hua Ba khabar qismat se apni udaas tha sookha darya Per, jis din mila sumundur se to mila bas rota hua Azaan ki intezar kyon jab basa hai baatin men woh Dil se karey tu yaad bande, to shukr rab ka ada hua Khuzu o inkisaari se bas chalte rehna ‘sahil” tu Jhuka rahe yeh sar tera, to musalsal phir sajda hua Gar takhallus ‘sahil’ se ‘saabir’ kar dun To kya zindagi behtar basar hogi Thak jaata hai kinara sahara dete dete Shayad inayat maujon ki tab nazar hogi ----------------------------------------- Fakhr hai mujhe peeri pe apni dekhta hun jab jawan jo aur
Hum se bichard ke, ai waqt, tujhe kya mila bata Kuch der aur humsafar rehte tujhe phoolon se dete , saja Ab mazaar pe aa phool chadhayenge log, ‘sahil’ Yeh waqt ka taqazza nahin to aur kya hai bata 336. Bin taqseer de ta’azeer to yaad rahey munsif Aakhiri saza o jaza to baargaah e khuda men hogi 337. Dil giraft mat ho ‘sahil’ majboor hai qismat bhi, Hairaan hai tujh ko dekh kar teri humsafar himmat bhi Top of Form 338. Main ne kuchh na maanga namaz men Riza uski meri awaaz men, Nafas uske jaan uski ‘sahil’ Main maangun to kya namaz men 339. Khud to dhund len sukoon teri sifarish bhi kar lenge Rab se hum ‘sahil’ yeh guzarish bhi kar lenge 340. Udti gard ko dekh kar yun laga aaj ‘sahil’ Main hun, khaak nahin,khalaaon men parwaaz 341. Jo nahin hai qismat men ‘sahil’ usey kahan se laaun main Na kaam rahegi woh aarzu jahan bhi jaun main 342. Qurbaton ki baat mat kar Nazdikiyon ki taaren mat chherd, Gham ke tarane hain un men ‘Sahil’ simti hui yaaden mat uddher 343. Kuchh hasraten na kaam reh jaati hain Kuchh baaten ankahi, Yehi hai haqeeqat ‘sahil’ Kaun jaane kya ghalat kya sahi 344. Na kaam na rahey to wo hasrat hi kya Zabaan talkh na ho to shireeni kya Har shai ho bande gar teri riza se Phir, riza e khuda aur anhoni kya 345. Ruh ke rishte ruh hi samjhe Ruh ko kis ne jaana hai, Takte reh baatin men ‘sahil’ Gar rab ko tu ne paana hai 346. Mafhoom e ishq mat sikhao mujhe Koi kohkan sa aashiq dikhao mujhe Maikade ki sharab se waqif hai ‘sahil’ Tum mai e naab la kar pilao mujhe 347. Daastaan e hayaat kya bataun tumhen Jeene se miley fursat to Sunaun tumhen Gharib khaane men aao, khumgah men kya Zaahid ke jalvey dikhaun tumhen Fana ke ho mushtaq, karo rukh is taraf Jalati hai sham’a kaise, bataun tumhen Andaleeb e chaman ko bhool jaoge Dil ki taaron ko chherd, geet sunaun tumhen Gar rakhte ho shauq saveron ka yaro To, sultan e khavari se milwaun tumhen
Sanjeedah hai ‘sahil’, aao hansaun tumhen 348. Mafhoom e ishq mat sikhao mujhe Koi kohkan sa aashiq dikhao mujhe Maikade ki sharab se waqif hai ‘sahil’ Tum mai e naab la kar pilao mujhe 349. Barg e gul jis roz ‘sahil’ baagh se hawa hua Ik hissa us chaman ka goya usi se phir juda hua Hazaaron gul khiley huay, saman o gulaab bhi Lekin, ik barg e gul ke hijr se, chaman bahot tanha hua Baithe baithe muntazir ik roz tha main aab ka Pyaas bujhayi ashkon se, ai tashnagi to kya hua Ba khabar qismat se apni udaas tha sookha darya Per, jis din mila sumundur se to mila bas rota hua Azaan ki intezar kyon jab basa hai baatin men woh Dil se karey tu yaad bande, to shukr rab ka ada hua Khuzu o inkisaari se chalte rehna bas ‘sahil” tu Jhuka rahe yeh sar tera, to musalsal phir sajda hua 350. Main to jiyunga zeest ‘sahil’ fikr abadi ki koi aur karey, Har nafas hai zindagi, hisaab neki badi ka koi aur karey 351. Humsafar hai tu zeest, bas chalte rehna Neend aa jaaye to ‘sahil’ ki aaghosh men so jaana Mubarak ho tujhe aaftaab e subh, varna Yüklə 295,67 Kb. Dostları ilə paylaş:
|