Мя’сум имамларын

XII FƏSİL

İMAM MƏHDİ ƏLEYHİSSƏLAMIN HƏYATI

*–İmam Məhdi əleyhissəlamın qeybə çəkilməsinin ictimai-

siyasi səbəbləri

*–İmam Məhdi əleyhissəlamın xüsusi naibləri

(nümayəndələri)

*–İmam Məhdi (əleyhissəlam) şiə mənbələrində

*–İmam Məhdi (əleyhissəlam) sünni mənbələrində

*–Quranda İmam Məhdi əleyhissəlamın quracağı hökumətin

siması

*–İmam Məhdi əleyhissəlamın qeyb dövründəki faydaları

İmam Məhdi əleyhissəlamın həyatı barədə qısa məlumat

On ikinci məsum İmam Həzrət Məhdi ibn Həsən Əskəri (əleyhissəlam) hicrətin iki yüz əlli beşinci ili şəban ayının on beşində Samirra şəhərində anadan olmuşdur.¹

Onun adı İslam Peyğəmbərinin adından, yəni, MƏHƏMMƏD, künyəsi də Peyğəmbərin künyəsindəndir, yəni, Əbülqasimdir.² Məsum İmamlar onun əsl adının çəkilməsini qadağan etmişlər.³ Onun ləqəblərindən Hüccət, Qaim, Xələfisaleh, Sahib əz-zaman⁴ və Bəqiyyətullahı⁵ qeyd etmək olar. Ən məşhur ləqəbi isə Məhdidir.⁶ Atası on birinci İmam Həzrət Həsən Əskəri (əleyhissəlam), anası isə çox hörmətli Nərcis⁷ (Nərgiz) xanım olmuşdur. Anası, Reyhanə, Süsən və Səqil adları ilə də tanınmışdır.⁸ Nərcis xanımın fəzilət və mənəviyyatı o dərəcədə çox olmuşdur ki, özü İmamət ailəsinin fəzilətli qadınlarından biri olan İmam Əliyyən-Nəqi əleyhissəlamın bacısı Həkimə xanım onu (Nərcisi) öz nəslinin ən fəzilətli xanımı, özünü isə onun xadiməsi adlandırmışdır.⁹

Həzrət Məhdi (əleyhissəlam) iki dəfə qeybə çəkilmişdir. Bunlardan biri qısamüddətli (kiçik qeyb dövrü), digəri isə uzunmüddətli (böyük qeyb dövrü) olmuşdur. Kiçik qeyb dövrü o Həzrətin anadan olduğu gündən¹⁰ xüsusi naiblərin naiblik dövrünün sonuna qədər davam etmiş, böyük qeyb dövrü isə birinci mərhələnin (yəni, kiçik qeyb dövrünün) qurtarması ilə başlamış və o Həzrət zühur edənə qədər davam edəcəkdir.¹¹