Мювлана ъялаляддин

Ibrahimi-Ədhəmin dəniz sahilindəki kəramətləri (möcü­­­­­zələri)
Belə rəvayət vardır,İbrahim peyğəmbərdən,

Bir dəniz sahilini, keçirirmiş nəzərdən.

Sonra «Ruhlar Sultanı» yapıncasın tikirmiş,

Bir əmir də o zaman, o məkandan keçirmiş.

Həmin əmir o Şeyxin, bəndələrindən imiş,

Şeyxi görüb, tanımış, ona səcdə eyləmiş!

Mat- mat Şeyxə baxaraq, tez gördü yapıncasın,

Yapınca cırılmışdı, gözləyirdi ustasın.

Düşündü o buraxmış, əzəmətli şahlığı,

Seçmiş bu kasıblığı, tərk etmiş padşahlığı!

Yeddi iqlim mülkünü, könüllü tərk eyləmiş.

Cırıq yapınca tikir, sanki dilənçi imiş,

Yeddi iqlim mülkünü, pis hesab edib, getmiş,

Dilənçi tək yapınca, tikməyi qəbul etmiş.

Şeyx özü vaqif oldu, onun əndişəsindən,

Çünki Şeyx, bir «Şir» kimi, xəbərdar meşəsindən.

Qorxu, rica qəlblərdə, həddən çox olduğundan,

Onunçun güzli sirrlər, tamam yox olduğundan,

Qəlbinizi qoruyun, ey xeyirsiz olanlar,

Ürəkli cənabların, hüzuruna gələnlər,

Tən əhli qarşısında, ədəblilik zahirdir.

Qəlbləri sirrlər üçün, od olmağa hazırdır.

Korların ziddinə sən, məqamı almaq üçün,

Hazır olub, gəlibsən məqamda qalmaq üçün,

Görənlər hüzurunda, ədəbi tərk edirsən,

Şəhvətin atəşini, qəbul edib, gedirsən.

Zirəkliyin yoxdursa, payın yox Haqq nurundan,

Korlar üçün üzünü, parladırsan şurundan!³⁷⁰

Görənlər qarşısında, gözün mal- dövlətdədir,

Belə «iyli» halınla, naz- qəmzən hörmətdədir.

Şeyx iynəni dənizə tullayıb, önə getdi,

Sonra uca səsiylə, iynəni tələb etdi.

Yüz minlərlə balıqlar Bir Allahı yad etdi,

Hər birinin ağzında zər iynə icad etdi!

Haqqın dəniz mülkündən, başların qaldırdılar.

Qəbul et Haqq iynəsin, səliqəylə durdular!

Qızıl iynə parladı, balıqların dişində,

Onun iynələridir, al möhkəm ol işində.

Dedi:- Allahım mənim, öz iynəmi istədim,

Iynəni göstər mənə, gücümü isbat edim!

Başqa bir balıq sudan, baş qaldırdı bu zaman,

Şeyxin öz iynəsini, ağzında tutdu haman.

Ona üzünü tutub dedi:- Ey böyük əmir?!

Ürək mülkü yaxşıdır, ya belə mülki- həqir?!³⁷¹

Hər yarpağı Fələyə, məxsus olan o bağı,

Bəlkə də o içidir, aləm onun qabığı.

Nədən o bağa sarı, üz tutmaq istəmirsən?!

O bağı cəhdlə ara, kama çat, sür ömür sən.

O bağın gözəl ətri, canına hopub yatsın.

O bağın rayihəsi, gözlərinə nur saçsın.

O bağın ətri- ruhu, bağına tərəf getsin,

Səsləsin doğru yola, ömrün firavan keçsin.

Kor olan gözlərini, görən gözə dəyişsin,

Sənin könül quşun da, Sina dağına düşsün!

Yusif demiş:- Götürün, köynəyimi aparın!

Sürtün Yaqub üzünə, göz korluğun qoparın!³⁷²

Əhməd³⁷³ demiş:- Dünyada, üç şeyi bəyənmişəm.

Yaxşılıq, qadın, bir də Namazı söyləmişəm!³⁷⁴

Beş duyğu bir- biriylə, əhdi- peyman bağlamış,

Çünki həmin «beş duyğu», bir əsildən çağlamış.

Güc- qüvvət birləşərək, ömrünü baqi³⁷⁵ edər.

Uzun ömür olmaqçın, özlərin saqi edər!

Gözlərin bəbəkləri, aşiqliyi artırar,

Eşq də zəhmət çəkərək, sadiqliyi artırar!

Sadiqlik növbəsində, duyğuları oyadar.

Duyğular ünsiyyətin, incə zövqünü dadar!