O‘ZBEKISTON RESPUBLIKASI O LIY VA O‘RTA MAXSUS TA’LIM VAZIRLIGI
NAMANGAN DAVLAT UNIVERSITETI MILLIY G‘OYA VA HUQUQ TA’LIMI kafedrasi
«MA’NAVIY-MA’RIFIY ISHLARNI TASHKIL ETISH METODIKASI» fanidan AMALIY MASHG‘ULOTLAR ISHLANMASI
NAMANGAN
Fanning amaliy mashg‘ulotlar ishlanmasi, ishchi o‘quv reja va o‘quv dasturiga muvofiq ishlab chiqildi.
Tuzuvchi: O.V.Mamatov – NamDU, «Milliy g‘oya va huquq ta’limi» kafedra dotsenti, f.f.n
Taqrizchi: B.A.Tillayev - NamDU, «Milliy g‘oya va huquq ta’limi» kafedrasi kata o‘qituvchisi
A.X.Sultonov - NamDU, «Milliy g‘oya va huquq ta’limi» kafedrasi o‘qituvchisi
Kirish O‘zbekiston bozor munosabatlariga o‘tish, huquqiy demokratik davlat qurish, ho‘jalikning barcha sohalarida keng ko‘lamli islohotlar o‘tkazish, yangicha fikrlaydigan, mehnatga yangicha munosabat bilan qaraydigan yoshlarni tarbiyalash, milliy-ma’naviy qadriyatlarimizni tiklash xalqimiz uchun farovon turmush sharoitini yaratish yo‘lidan bormoqda.
Mamlakatimizda “Ta’lim to‘g‘risida”gi Qonun va “Kadrlar tayyorlash milliy dasturi”ning qabul qilinishi olamshumul ahamiyatga ega bo‘ldi. Mazkur qonun va dastur davlatimiz taraqqiyoti, uning dunyo hamjamiyatiga bozor tizimi orqali integratsiyalanishi, dunyoning rivojlangan mamlakatlari safiga qo‘shilishiga imkon yaratadi.
Zamonaviy kadrlarsiz esa sanoat, qishloq xo‘jaligi, tadbirkorlik va ijtimoiy hayotni rivojlantirishni tasavvur qilish qiyindir.
Ilm-fan jadal taraqqiy etayotganligi tufayli turli fan sohalarida erishilgan yutuqlar tez yangilanib bormoqda. Bilim o‘sish omilidir, uni vaqt talabi darajasida texnika o‘sishidan bir necha barobar tez yangilab borish kerak. SHuning uchun yangicha fikrlaydigan, zamonaviy kadrlarni tayyorlashda ma’naviy-ma’rifiy ishlarni kuchaytirish davr ehtiyotidan kelib chiqmoqda.
