Mutaxasis tayyorlashda o’quv amaliyoti dasturining “Maktabgacha ta’lim tarbiyachisi” kasbi doirasida amaliyotning tashkil etishning o’rni va ahamiyati shundan iboratki, o’quvchilarga Maktabgacha Ta’lim Tashkilotida turli yosh guruhlarida rivojlanish markazlarida bolalar o’quv tarbiyaviy faoliyatini tashkil etish, qurish-yasash konstruktorlash va matematika, syujetli rolli o’yinlar va dramalashtirish, til va nutq, ilm fan va tabiat markazlariga bolalar bilan olib boriladigan ishlar haqida bilim beradi. Bu esa o’quvchilarda kasbiy ko’nikma va malakalarni egallashlariga, ish faoliyatlari jarayonida amalda qo’llashga yordam beradi.
O’quv amaliyotining maqsad va vazifalari
1.2.1.Amaliyot mashg’ulotining maqsadi MTTda Ta’lim-Tarbiyaviy jarayonni va rivojlanish markazlaridagi faoliyatlarni tashkil etish o’quv amaliyoti fani “Maktabgacha ta’lim tarbiyachi” kasbi bo’yicha ta’lim oluvchi talabalarga mo’ljallangan. Bu amaliyot fanning asosiy maqsadi o’quvchilarga MTTda turli yosh guruhlarida rivojlanish markazlarida bolalar o’quv tarbiyaviy faoliyatini tashkil etish, qurish yasash va matematika, syujetli rolli o’yinlar va dramalashtirish, til va nutq, ilm fan va tabiat markazlariga bolalar bilan olib boriladigan ishlar haqida bilim berishdan iborat.
1.2.2. Amaliyot mashg’ulotining vazifalari Ushbu o’quv amaliyoti bosqichida har bir o’quvchi uchun amaliyot uchun ajratilgan 180 soat vaqtni dasturida belgilangan kompetensiyalarini shakllantirish uchun muhim bo’lgan amaliy, zarur va yetarli amaliy ko’nikmalarni shakllantirish uchun to’g’ri taqsimlash. Amaliyot dasturuga muvofiq boshlang’ich kasbiy tajribani rivojlantirish uchun amaliyot jarayonlarida sharoit yaratish. O’quvchini ongli tushunishiga va o’z faoliyatini baholashga jalb etish uchun sharoit yaratish. Ish beruvchi talablari va professional ta’lim muassasida o’quv amaliyotini tashkil etish va o’tkazishga qo’yiladigan maxsus talablar asosida ish joyini tashkil etish. Amaliy natijalarini ro’yxatdan o’tkazish yoki hujjatlar bilan ishlash bo’yicha qo’shimcha izohlar berish.
