2.3.2 Nöqtədən Nöqtəyə İnfra-qırmızı İşıq Dalğalı LAN
Bəzi infra-qırmızı işıq cihazları nöqtədən nöqtəyə fəaliyyət göstərir. Yəni stansiyalar arasındakı əlaqə birbaşa olaraq qurulur. Bu texnologiyada kompyuter və periferiya qurğularının arasında əlaqə yaradan və bir-biri ilə aralarında böyük fərq olan cihazlar “nötqə və şüa” cihazları adlanır.
2.3.2.1 “Nöqtə və Şüa” İnfra-qırmızı Əlaqəsi
Şəkil 2.9 Kompyuter ilə printer arasında əlaqənin qurulması
“Nöqtə və şüa” infra-qirmizi əlaqələri əslində naqilsiz LAN deyillər. Lakin onlar kompyuterlər və periferiya qurğuları arasında əlaqə yaradırlar. Bu zaman ənənəvi naqil infra-qırmızı işıq şüası ilə əvəz olunur (Şəkil 2.9). Satışda müxtəlif firmalara aid olan və kompyuterin serial portuna qoşulan şəbəkə adapterləri vardır. Bu tip əlaqə yalnız bir neçə metr uzaqlıqdan qurula bilər.
