Mustahkamlash uchun “Keys” topshiriqlari 1-vaziyat. Birinchi sinfdanoq o‘z-o‘ziga xizmat qilish ko‘nikmasini egallagan ikkinchi sinf isi Yulduz maktab oshxonasida o‘zining idish-tovoqlarini yig‘ishtirayotganda tasodifan qoqilib tushib, kosa va piyolani sindirib qo‘ydi. Qiz bola bu tasodif va qo‘rquvdan dong qotib qoldi, so‘ngra yig‘lab yubordi.
Yulduz hayajonda edi: bunday holat maktabda ilk bor sodir bo‘lgan edi. Bundan tashqari u jazodan qo‘rquvda. Uni tushunisharmikinlar? Bu hodisa, uning erki va xohishidan tashqari, tasodifan bo‘lganligiga ishonisharmikanlar? Uni, ayniqsa, singan idishlar o‘rniga yangi idish-tovoq sotib olish tartibi borligi bezovta qilar edi. Bunday holatga, ikki qizni tarbiyalayotgan va boqayotgan Yulduzning onasi qanday munosabatda bo‘larkin?
Savol va vazifalar: 1. Bunday vaziyatda pedagog qanday harakat qilishi kerak?
2. Bunday vaziyatda pedagog bajarishi mumkin bo‘lgan harakat variantlarini taklif eting.
2-vaziyat. Faraz qiling, do‘stingiz bilan kinoteatrga bormoqchisiz. Onangiz sizni bugun do‘stingiz bilan kinoga tushishingizni va kinoteatrda ikkita, birinchisi katta yoshdagilar uchun, ikkinchisi esa, jangari badiiy film qo‘yilayotganligini ham biladi. Uydan chiqish oldidan, onangiz sizdan hozircha katta yoshdagilar uchun ishlangan filmlarni ko‘rmay turishga va’da berishingizni so‘raydi. Siz gap-so‘zsiz jangari filmni ko‘rishga rozi bo‘lasiz. Lekin, arang o‘zingizning do‘stingiz bilan uchrashasiz, u ishqiy film ko‘rgisi kelayotganligini va uni hamma guruhdoshlari ko‘rganligini ma’lum qiladi. Biz ham bormasak bo‘lmaydi, deydi. Sizning jahlingiz chiqadi va do‘stingizdan xafa bo‘lasiz — kinoga qiziqtirgan uning o‘zi-ku axir, — lekin siz bunday filmni tomosha qilishdan bosh tortasiz va uyingizga qaytasiz, chunki onangizga va’da bergansiz.
Vazifa: vaziyatga doir 3-4 ta savol tuzing va ularni tahlil qiling.
3-vaziyat. Yozma refleksiya uchun o‘quvchilarga mavzu berildi: “Bugungi kundagi tarbiyaning eng xarakterli belgisini ayting”. Bolalar turlicha javob berishdi: ular siyosiy madaniyatni oshirishdan, televizorda narkotik moddalarni iste’mol qilishga qarshi mavzularda reklama berishgacha. Sinf xonasi bahs maydoniga aylanib ketdi. Siz sinfdagi bahs san’atini qanday tashkil etgan bo‘lardingiz?
