O hanı, hanı?
Günəşin nidası tutur dünyanı,
Çağırır: Hardasan?
Baçı, hardasan?...
Xalq şairi N. Xəzrinin yaradıçılığından götürülən bu parçada qəhrəmanın (Sevilin) faciəli ölümündən doğan kədəri daha çox ifadə edən sual cümlələri zəngin səs çaları ilə oxunmalıdır. Burada sual intonasiyası ilə yanaşı, yüksək nida melodiyası vardır.
Natiqlik praktikasında nitqin melodiklik baxımından zənginliyi xüsusi əhəmiyyət daşıyır. Məhz belə keyfiyyətə malik olanlar söhbətlərində, mühazirələrində dinləyicilərin marağını, diqqətini cəlb edə bilir, qəlblərinə yol tapırlar.
Ümumiyyətlə, danışan, məruzəçi dilimizin fonetik sisteminə aid olan qaydaları yaxşı bildikdə, bunlar onun nitqini gözəl və ifadəli olmasını təmin edir. Natiq ədəbi tələffüz normalarına düzgün əməl edirsə, danışığında fasilə və intonasiyaya, vurğu, tembr, ritm kimi səs caları yerində işlənirsə, onun nitqi maraqla qarşılanır.
Dostları ilə paylaş: |
