Neft va gazkondensatni qayta ishlash texnologiyasi

Neft moylarini gidrotozalash 
Neft moylarini gidrotozalash qurilmasining printsipial texnologik 
sxemasi 6.1-rasmda keltirilgan. Xom-ashyo 22-nasos yordamida so‘rib olinib, 
20-issiqlik almashgichda qizdirilib, 3-issiqlik almashgichga kirish oldidan 
vodorod saqlagan gaz bilan aralashtiriladi. 3-issiqlik almashgichdan so‘ng 1-
pechda qizdirilib, 2-katalizator bilan to‘ldirilgan reaktorga gidrotozalash 
jarayoni uchun beriladi. 2-reaktor pastidan chiqqan mahsulot 3-issiqlik 
almashgichda sovutilib, 9- yuqori bosimli separatorga aralashmaning ajralishi 
uchun kelib tushadi. Gidrotozalangan beqaror moy esa 8- drossel klapanidan 
o‘tib 11-bug‘latuvchi kolonnaga kelib tushadi. Bu erda suv bug‘i yordamida 
moy tarkibidan gazlar bug‘latiladi. 11-tarelkali kolonna yuqorisidan 

---

68 
chiqayotgan gaz va bug‘lar 16- kondensator sovutgichga kelib tushadi. Bu 
yerda olingan 3 fazali aralashma (ikkita suyuq, bitta gaz) 18- separatorda 
ajratiladi: suvli kondensat, haydalma 19-nasos yordamida so‘rib olinib 
qurilmadan chiqariladi. Yuqoridan uglevodorod gazlari chiqariladi. 11- 
kolonna ortiqcha bosimda ishlaydi. 11- kolonnadan chiqayotgan moyni 
quritish maqsadida 15- vakuumli quritgich kolonnasiga beriladi. 15- vakuum 
kolonna pastida toza moy 17- nasos orqali so‘rib olinib, 20- issiqlik 
almashgichdan o‘tib, 21- suvli sovutgichda sovutilib, 23- filtrdan o‘tib 24- 
sovutgichda sovutilib, gidrotozalangan mahsulot rezervuarlarga qurilmadan 
chiqariladi. Moy 23- filtrda katalizator changi va korroziya mahsulotlari 
bo‘lgan yumshoq zarrachalardan tozalanadi. 14- yuqori bosimli separatorda 
yig‘ilgan kam miqdordagi kondensat 13- droselli klapandan o‘tib, 18- 
separatorga tushadi. 14- separatordan ketayotgan yuqori bosimli vodorod 
saqlagan gaz 10- nasadkali tipdagi tomchilagichdan o‘tib, shu bosimda 
gazlarni monoetanolamin yordamida tozalash bo‘limida H
2
S dan tozalanadi. 
Agar yoqilg‘i kerak bo‘lsa, gazning bir qismi yoqilg‘i tizimiga haydaladi. 
Asosiy qism esa 12-tomchi ulagichdan so‘ng, 7- kompressorda siqilib, 6, 4- 
issiqlik almashgichlardan o‘tib xom-ashyo bilan yana aralashtiriladi.