| 02.II.2010
Bu gün Neftçala rayon Mədəniyyət sarayında 26 fevral Xocalı faciəsinə həsr olunmuş tədbir keçirildi.
26.II.2010
Bu gün rayonumuzda iməclik işləri getmişdir. O cümlədən bizim kənddə də abadlıq işləri aparılır, ağaclar əkilir.
10.III.2010
Bu gün kəndimizdə kitabxana və klub ilə birlikdə "Ekologiya" İli ilə əlaqədar əhali arasında söhbət aparıldı. Söhbəti Sakit Kərimov adına Qədimkənd kənd məktəbinin müəlliməsi Məmmədova Cəvahir apardı. O, çıxışında ekoloji problemlərdən danışdı.
07.IV.2010
Bu gün Azərbaycanın bir çox bölgələrində Kür çayının daşması nəticəsində və sel suların olduğuna görə Kür çayı sahilində yerləşən rayonlar su daşqınına məruz qalıb. O cümlədən bizim kənddə də bir çox evlər su içindədir.
30.IV.2010
Bu gün Kür çayının daşması nəticəsində Azərbaycanın Sabirabad rayonuna böyük ziyan dəyib. Sabirabadda bəndin uçması nəticəsində Sabirabad-Şirvan nəqliyyat yolu, dəmiryolu nəqliyyatı və Sabirabadın 5 kəndi su altında qalıb, 12 kəndi isə evakuasiya olunub. Evakuasiya olunmuş əhalə Sabirabadın təhlükəsiz yerlərində və Şirvan şəhərində kiçik çadırlarda yerləşdirilib. Hazırda Kür çayı ətrafında gecə-gündüz bəndvurma işləri aparılır. Daşqının qarşısını almaq üçün çay ətrafında ikinci, üçüncü bəndlər vurulur. Əhali də təbii fəlakətin qarşısını almaq üçün görülən işlərdə yaxından iştirak edirlər.
04.V.2010
Bu gün kəndimizdə Sakit Kərimov adına Qədimkənd kənd məktəbinin uşaqları Neftçala rayonu Cəsurlar Hərbi idman oyunları üzrə 2-ci yeri tutdular.
Dostları ilə paylaş: | 
