6. Müxbir bank əlaqələrinin qurulması Bank rezident və qeyri rezident banklarla müxbir əlaqələrdən öncə risk qiymətləndirilməsini həyata keçirir.
Müxbir bankın çirkli pulların yuyulması və terrorçuluğun maliyyələşdirilməsi ilə mübarizə haqqında təcrübələrinin,risk qiymətləndirilməsi məqsədilə həyata keçirdiyi daxili nəzarət sisteminin adekvatlığı haqqında məlumat toplanılır.
Bankın nəzarət əsasla fəaliyyət göstərməsini müəyyən etmək üçün bank fəaliyyəti haqqında lisenziya,rəhbərliyi,benefisiar mülkiyyətçisi və ümumilikdə bankın digər sənədləri yoxlanılır.
Müxbir banklarla işgüzar münasibətlərin qurulması, hesabların açılması Bank rəhbərliyinin təsdiqi əsasında həyata keçirilir.
Bank virtual bank ilə (və ya shell-bank) hər hansı əlaqənin qurulmasını qəbuledilməz hesab edir, bu banklarla müxbir əlaqələr qurulmur və hər hansı bank əməliyyatları həyata keçirilmir.
Tələb olunduğu hallarda müxbir bankın kənar audit hesabatları təhlil üçün tələb olunur.
