1. Nukleoproteidlərin alınması Nukleoproteidlərin alınması düzların qatı məhlullarında yapışqanvari məhlullar əmələ gətirmələrinə və duru məhlullarında isə həll olmalarına əsaslanır.
Təcrübənin gedişi. 2-3 q dalax və yaxud qaraciyər bir çimdik qumla qarışdırılaraq, həvəngdə möhkəm əzilir. Həvəngə az-az 70-80 ml 1 M (molyar) natrium xlorid məhlulu əlavə edilir. möhtəviyyat 15-20 dəqiqə əzilərək, narın hala salınır. Alınmış qarışıq sentrifuqa sınaq şüşələrinə keçirilir. İçərisində möhtəviyyat olan sınaq şüşələri müvazinətləşdirildikdən sonra 10-15 dəqiqə setrifuqa edilir. sentrifuqat ölçülür. kimyəvi stəkana sentrifuqata nisbətən 6 dəfə çox su tökülür. Sonra sentrifuqat tədricən stəkana tökülməklə stəkandakı suda yavaş-yavaş ağac cubuğu ilə qarışdırılır. Bu zaman ayrılan nukleoproteid lifləri çubuğa dolanırlar. Sentrifuqatı suya tökdükdən sonra bir neçə saat (10-15 saat) saxladıqda da nukleoproteidlər stəkanın dibinə çökürlər. Bu qayda ilə alınmış nukleoproteid lifləri ehtiyatla sınaq şüşəsinə keçirilir və sonra təhlil üçün istifadə olunur.
