Pentozanın təyini Pentozanın (riboza və dezoksiriboza) hidrolizatda varlığını təyin etmək üçün floroqlüsin reaksiyasından istifadə olunur. Bu məqsədlə sınaq şüşəsinə 1 ml yoxlanan hidrolizatdan tökülərək, üzərinə 1 ml-də 0,2%-li floroqlüsinin qatı HCl-da məhlulundan əlavə edilir.
Qarışıq qızdırılaraq 1 dəqiqə ehtiyatla qaynadılır. Bənövşəyi-qırmızı rəngin alınması pentozanın varlığını göstərir.
Purin əsaslarının təyini Sınaq şüşəsinə 1 ml hidrolizat tökülərək, 5-6 damla qatı ammonyak məhlulu ilə qələviləşdirilir (qələviləşmə qırmızı lakmus kağızının göyərməsi ilə bilinir). Sonra sınaq şüşəsinə 5-6 ml gümüş nitratın ammonyaklı məhlulu əlavə edilir. Tədricən sınaq şüşəsinin dibinə yatan pambığabənzər çöküntünün görünməsi (purin əsaslarının gümüş duzları) purin əsaslarının varlığını bildirir.Fosfat turşusunun təyini
Sınaq şüşəsinə 1 ml hidrolizat və 1 ml-də ammonium molibdenatın nitrat turşusunda məhlulundan tökülərək, qarışıq qızdırılır. Sarı rəngli çöküntünün alınması fosfat turşusunun varlığını bildirir.
