Nöqtələr
Ola bilsin ki, bu ayə hicrəti saleh əməl nümunəsi sayan 56-cı ayəyə işarədir. Yəni Allah müqəddəs hədəflər naminə vətənini tərk edənləri axirət məskənləri ilə təmin edər.
“Təbəvv” dedikdə daimi məskən mənası anlaşılır. “Ğurəfə” dedikdə hündür yer nəzərdə tutulur.
“Əssalihat” dedikdə hər növ yaxşı iş görən toplum nəzərdə tutulur.
Bildirişlər
1. Saleh işlər imanla müşayiət edildikdə dəyərli olur.
2. Behiştə daxil olmaq üçün iman və saleh əməl şərt sayılır.
3. Allah möminlərin behiştə daxil olacağına zamindir.
4. Behişt yüksəklikləri çox alidir.
5. Behişt arxları daim cərəyandadır.
6. Behişt və onun nemətlərini əldə etmək üçün əməl əsas şərtdir.
Ayə 59:
﴿الَّذِينَ صَبَرُوا وَعَلَى رَبِّهِمْ يَتَوَكَّلُونَ﴾
“(Saleh möminlər) o kəslərdir ki, (çətinliklər qarşısında) səbirlə dayanıb Rəblərinə təvəkkül edirlər.”
Ayə 60:
﴿وَكَأَيِّن مِن دَابَّةٍ لَا تَحْمِلُ رِزْقَهَا اللَّهُ يَرْزُقُهَا وَإِيَّاكُمْ وَهُوَ السَّمِيعُ الْعَلِيمُ﴾
“Öz ruzisini əldə edə bilməyən canlılar çoxdur. Onlara və sizə ruzi verən Allahdır, Allah eşidən və biləndir.”
Dostları ilə paylaş: | 
