Bildirişlər
1. Vəhyi artırıb-əskiltmədən qəbul etmək lazımdır. Dinə bir şey artırmaq iftira və ən pis zülmdür.
2. Ən pis zülm ideoloji zülmdür. Bu zülm insanın haqq qarşısında təslimçiliyinə zərbə vurur.
3. Xəbərdarlıq başa çatdıqdan sonra ilahi əzab nazil olur.
Ayə 69:
﴿وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ﴾
“Bizim yolumuzda cihad edənlərə Öz (yaxınlıq) yollarımızı göstərəcəyik. Həqiqətən, Allah xeyir əməl sahibləri ilədir.”
Bildirişlər
1. Allahın xüsusi hidayətinə nail olmaq üçün çalışmaq lazımdır. İlk addımı insan özü atmalıdır.2
2. Bəzən bir addım və bir anlıq səmimi təlaş insanı hidayətə, əbədi qurtuluşa çatdırır.
3. Müdiriyyət və rəhbərlikdə ilk andan bütün işin aydınlaşması zəruri deyil. İlk ilahi addım atıldıqdan sonra qeybi hidayətlər görünür.
4. Təlaşlara dəyər verən xalislikdir.
5. Allaha yaxınlıq yolları məhdud deyildir.
6. Allahın vədlərinə əmin olaq.
7. Haqq yolda təlaş və ixlas xeyir əməl nişanəsidir.
8. Zəif bəndənin qadir Allahla yaxın olması bütün problemlərin həll olmasıdır. İmam Hüseyn (ə) “Ərəfə” duasında oxuyur: “Səni tapanın nəyi yoxdur?! Səni itirənin nəyi var?!
9. Allah həm yaxınlıq yolunu göstərir, həm də məqsədə çatanadək əlimizdən tutur.
Dostları ilə paylaş: | 
