Nöqtələr
Allahın yada salınması qəlb və ruha aramlıq verir.1 Zövcə isə cisim və əsəblərin aramlıq səbəbidir.2
Bildirişlər
1. Varlıq aləmi məqsədli yaradılıb.
2. Qadın və kişi eyni bir (növdən) cinsdəndir. (Qadını əskik bir varlıq sayan bəzi ideologiyaların ziddinə olaraq İslam onu kişi ilə bərabər dəyərləndirir.)
3. Həyat yoldaşı insan üçün iztirab yox, rahatlıq səbəbi olmalıdır.
4. İzdivacda məqsəd təkcə cinsi ehtiyacların təmini yox, həm də fiziki və ruhi aramlıq əldə olunmasıdır.
5. Həyat yoldaşının rolu qarşı tərəfin aramlığını təmin etməkdən ibarətdir.
6. Məhəbbət ilahi bir hədiyyədir və var-dövlət, gözəlliklə əldə olunmur.
7. İstənilən bir vasitə ilə ailə məhəbbətinə zərbə vuran kəs Allah yolundan çıxmış, şeytan yolunu tutmuşdur.
8. Ər-arvad münasibətləri sevgi və mərhəmət üzərində qurulmalıdır.
9. Məhəbbət və mərhəmət bir-birinə uyuşan səciyyələrdir. (Məhəbbətsiz mərhəmət soyuqluqla müşayiət olunur, mərhəmətsiz məhəbbət uzun sürmür.)
10. İzdivacın müsbət rolunu yalnız düşüncə sahibləri anlayır.
Ayə 22:
﴿وَمِنْ آيَاتِهِ خَلْقُ السَّمَاوَاتِ وَالْأَرْضِ وَاخْتِلَافُ أَلْسِنَتِكُمْ وَأَلْوَانِكُمْ إِنَّ فِي ذَلِكَ لَآيَاتٍ لِّلْعَالِمِينَ﴾
“Göylərin və yerin yaranışı, dilləriniz və rəngləriniz arasındakı fərq ilahi nişanələrdəndir. Həqiqətən, bu işdə alimlər üçün qəti nişanələr var.”
Dostları ilə paylaş: | 
