Nur təFSİRİ

Bildirişlər

1. Müşriklər düşünmədən özlərinə zülm edirlər.

2. Müşrikin öz mövqeyinin sübutu üçün heç bir elmi dəlili yoxdur. Onun azğınlığı daxili istəklərdən qaynaqlanır.

3. Şirk insanın özünə zülmüdür.

4. İnsanın meyilləri çeşidlidir.

5. Allah elm və düşüncəni qoyub nəfsə tabe olanları azdırır.

6. Müşrikin bir neçə əlaməti var: sitəmkarlıq, məntiqsizlik, azğınlıq, təklik (köməksizlik).

7. Nəfs istəyinə tabe olan azğınların hidayətinə heç bir ümid yoxdur.

8. Nəfsə tabe olan azğınlar bir gün qərib və tənha qalasıdırlar.

Ayə 30:

﴿فَأَقِمْ وَجْهَكَ لِلدِّينِ حَنِيفًا فِطْرَةَ اللَّهِ الَّتِي فَطَرَ النَّاسَ عَلَيْهَا لَا تَبْدِيلَ لِخَلْقِ اللَّهِ ذَلِكَ الدِّينُ الْقَيِّمُ وَلَكِنَّ أَكْثَرَ النَّاسِ لَا يَعْلَمُونَ﴾

“Haqqa rəğbətlə bu dinə üz tut. (Bu,) ilahi fitrətdir, Allah insanları onun əsasında yaratmışdır. İlahi yaranış dəyişilməzdir. Budur sabit din! Amma insanların çoxu bilməz.”