Şirkin mənası
Şirkin olduqca geniş mənası var. Uyğun sözün ən bariz mənası bütpərəstlikdir. Belə bir şirk fəqihlərin fətvasına əsasən insanın dindən çıxmasına səbəb olur. Şirkin digər bir mənası Allahdan qeyrilərinə və ya azğın nəfs istəklərinə sözsüz itaətdir. Quran buyurur ki, həqiqətən, hər ümmətə peyğəmbər göndərdik ki, Allaha ibadət edib zalım başçılardan üz çevirəsiniz.2 Digər bir ayədə oxuyuruq: “Nəfsini özünə tanrı seçəni görmədinmi?!”3
“Dunillah” və “dunihi” təbirləri Quranda yüz dəfədən artıq işlədilmişdir. Bu sözlər Allahdan qeyrisinə pərəstişi nəzərdə tutur. Allahdan qeyrisinin göstərişlərinə əməl edən möminlər də tövhid mehvərindən çıxırlar.4 Yəni Allahdan başqa güvənc yeri olan möminlərin əksəri həm də müşrikdirlər. Rəvayətdə deyilir ki, bu sayaq şirk qarışqanın qaranlıq gecədə qara daş üstə hərəkətindən də məxfidir. Yəni şirk təkcə bütpərəstlik deyil. Allah yönümündə olmayan qüdrət və mala, məqam və qəbiləyə bağlılıq şirkdir.
Dostları ilə paylaş: |
