Şirk nişanələrindən biri ilahi qanunlar qarşısında bəhanə gətirilməsidir. Quran bu bəhanələrdən bəzilərini yada salır:
–Əgər Peyğəmbər sizin zövqünüzə uyğun olmayan qanun gətirdisə, təkəbbürmü etməlisiniz?!4
–Cihad göstərişi gələn zaman deyirlər ki, nə üçün bizə savaş göstərişi verdiniz?5
–Bəni-İsraildən bir dəstə üçün təam gələn vaxt dedilər ki, nə üçün bu təam...?6
–Allah bir misal çəkdikdə deyirlər ki, nə üçün bu misal...?7
Şirkin nişanələrindən biri də qohumlara, var-dövlətə, vəzifəyə arxalanmaqdır. Ayələrdən birində bildirilir ki, əgər atalar, övladlar, qardaşlar, zövcələr, qohumlar, var-dövlət, ticarət, məskən sizin üçün Allah, Onun rəsulu və cihaddan əzizdirsə, qəzəb intizarında olun.8
Şirk o qədər təhlükəlidir ki, dörd dəfə tövhid ilə yanaşı valideynə ehsan etməyi tapşıran Quran, övlada Allahdan qeyrisinə doğru çağıran valideynə itaət etməməyi əmr edir.9
Dostları ilə paylaş: |
