Nur təFSİRİ

Nöqtələr

Quranda ilahi mükafatlarla bağlı bir neçə təbir var. Bu mükafat bəzən iki qat¹, bəzən bir neçə qat², bəzən on qat, bəzən isə 700 qat³ qeyd olunur. Amma bu ayədə kəmiyyəti üstələyən bir nöqtəyə toxunulur. Buyurulur ki, kimsə gecə namazı və infaq əhlinin mükafatından agah deyil.

İmam Sadiq (ə) buyurur: “Quranda gecə namazından başqa bütün yaxşı işlərin savabı bəyan olunmuşdur. Gecə namazının savabını Allahdan savay kimsə bilməz.” Sonra həzrət hazırkı ayəni tilavət edir.⁴

Bildirişlər

1. Sübh oyanışı, gecə namazı, məhrumlara kömək müqabilində ən üstün mükafatlar nəzərdə tutulur.

2. Bəzi mükafatlar insan düşüncəsinin fövqündədir.

3. Tərbiyə prosesində bəzən mükafatın miqdarını məxfi saxlamaq lazım gəlir.

4. Məxfi ibadətlərin məxfi mükafatları var.

5. Hesabsız mükafat əldə etmək üçün insan özünü erkən oyanmağa vadar etməlidir.

6. “Ey Sədi, danışmaq olsa da peşən; Sözdən bir şey çıxmaz, olmasa işin.”

Ayə 18:

﴿أَفَمَن كَانَ مُؤْمِنًا كَمَن كَانَ فَاسِقًا لَّا يَسْتَوُونَ﴾

“Məgər mömin insan fasiqlə (həddi aşanla) eynidirmi?! (Bu iki dəstə) bərabər deyil.”