Nöqtələr
“Qərn” sözü həm “vüqar”, həm də “qərar” sözündən ola bilər. Hər iki söz eyni mənanı bildirir. Yəni özünüzü göstərmək üçün evlərinizdən xaric olmayın.
“Təbərruc” dedikdə özünü göstərmək mənası anlaşılır. “Təbərruc” sözü “bürc” sözündəndir. Bürc nəzərdə tutulduğu kimi tikililər arasından boylanır.
İlkin cahiliyyət bu gün şahidi olduğumuz son cahiliyyətin zühur göstəricisidir. Hədisdə deyilir ki, tezliklə başqa bir cahiliyyət özünü göstərər.1 Əgər ilkin cahiliyyət dövründə qızlar diri-diri torpağa gömülürdüsə, bu gün abortlarla həm qız həm də oğlan övladlar məhv edilir. Əgər ilkin cahiliyyət dövründə qətillər baş alıb gedirdisə, bugünkü müharibələrdə milyonlarla insanın həyatına son quyulur. İlkin cahiliyyət dövründə təhsil ocaqları yox idi. Bu gün isə milyonlarla universitetlər fəaliyyət göstərdiyi zamanda insan haqları ayaq altına alınır. İlkin cahiliyyət dövründə fəsad və zina günah sayılırdı. Bu gün isə dünyanın inkişaf etmiş ölkələrində hətta həmcinsbazlara azadlıq verilir.
Dostları ilə paylaş: |
