Nur təFSİRİ

Nöqtələr

“Ədiya” dedikdə oğulluqlar mənası başa düşülür. “Vətər” sözü ehtiyac mənasını bildirir.

Əksər təfsirçi və tarixçilərin nəzərincə ayə Zeyid ibn Harisə haqqındadır. Zeyd bir qul idi və Xədicə tərəfindən Peyğəmbərə (s) bağışlanmışdı. Həzrət Peyğəmbər (s) Zeydi azad etdi. Zeydin qəbiləsi onu yanından qovdu. Peyğəmbər (s) Zeydi oğulluğa götürdü. Zeyd İslamı qəbul edib layiqli müsəlmanlardan oldu. Döyüşlərdən birində komandanlıq məsuliyyəti tapşırılmış Zeyd şəhadətə çatdı. Həzrət Peyğəmbər (s) Zeydi oğulluğa götürdükdən sonra öz əmisi qızı Zeynəbi, Əbdül-Mütəllibin nəvələrindən olan bu layiqli qadını Zeydə ərə verdi. Həmin vaxtadək azad qadın qula ərə verilmədiyindən Peyğəmbərin (s) Zeyd üçün elçiliyi Zeynəbi narahat etmişdi. Ailə həyatı qurduqdan sonra Zeydlə Zeynəb arasında narazılıqlar yarandı. Zeyd qərara gəldi ki, Zeynəbi boşasın. Həzrət Peyğəmbər (s) dəfələrlə onu bu fikirdən daşındırdı. Nəhayət, Zeyd Zeynəbin talağını verdi. Zeynəb iki zərbə aldı: Qula ərə verilməsi ilə bağlı mənəvi zərbə və boşanması ilə bağlı ictimai zərbə. Bəli, haqqında danışılan dövrdə qul arvadı olmaq və boşanmaq bəyənilmirdi.

Girami Peyğəmbər (s) Allahın əmri əsasında iki cəhalət ənənəsini aradan qaldırdı: Oğulluğa götürdüyü şəxsin boşadığı arvadı almaqla cahiliyyət dövrünün uyğun ənənəsinə son qoydu; qulun boşadığı arvadı almaqla həmin zümrədən olan qadınlara münasibəti dəyişdi.

Girami Peyğəmbər (s) Zeynəblə izdivac etdiyi vaxt o biri izdivaclar zamanı açmadığı süfrəni açdı. Çünki bu izdivac Allah əmrinə əsaslanırdı və cəhalət ənənələrini aradan qaldırırdı. Zeynəb fəxr edirdi ki, onun Peyğəmbərlə (s) izdivacı Allahın əmri əsasında baş tutmuşdur.