Nur təFSİRİ

“Rəhman və rəhim Allahın adı ilə

﴿بسم الله الرحمن الرحيم﴾

Ayə 1:

﴿الْحَمْدُ لِلَّهِ الَّذِي لَهُ مَا فِي السَّمَاوَاتِ وَمَا فِي الْأَرْضِ وَلَهُ الْحَمْدُ فِي الْآخِرَةِ وَهُوَ الْحَكِيمُ الْخَبِيرُ﴾

“Həmd-səna göylərdə və yerdə olanların sahibi Allaha məxsusdur. Axirətdə (də) həmd-səna yalnız Onun üçündür. Odur hikmət sahibi və agah.”

Nöqtələr

Quranda beş surə “Əl-həmdu lillah” cümləsi ilə başlayır.

Ayədə Allahın göylərin və yerin mülkünə qeyd-şərtsiz sahibliyi bəyan olunur. Növbəti ayədə Allahın mütləq elmi qeyd edilir. Nəhayət, üçüncü ayədə məadı inkar edənlərə bildirilir ki, biz Qiyaməti cəza və mükafat üçün bərqərar edə bilərik.

Fəxr Razi deyir: “Əməldə özünü göstərən elm hikmətdir. İşlərin aqibət və əsrarından xəbərdar olan kəs “xəbir” (agah) adlanır.”¹