Nöqtələr
“Fəth” dedikdə dolaşıqlığı açmaq mənası nəzərdə tutulur. Uyğun dolaşıqlığa həm sadə bir qıfıl, həm də düşmənçilik misal ola bilər.1 Allahın gözəl adlarından biri “Fəttah” adıdır.2
Bildirişlər
1. İnsanların bağışlanması peyğəmbərlər üçün vəzifə deyil. Onlar sadəcə canıyananlıq göstərərək xalqın əfvinə çalışırlar.
2. Təvazökarlıq və ədəb müvəffəqiyət vasitəsidir. (Özündən danışarkən “günah”, başqalarından danışarkən “əməl” sözü işlədilir.)
3. Əgər haqqa çağırışınıza dünyada cavab verilməsə, narahat olmayın. Çünki Qiyamətdə hər şey hesaba alınacaq.
4. Qiyamət günü həm toplanış, həm də parçalanma günüdür.
5. Qiyamətdə haqq-ədalət əsasında mühakimə aparılır.
6. Məada diqqət insanı müxtəlif məqamlarda hifz edir. (Bir gün bütün hiylələr, nifaqlar, qurğular, siyasi və ictimai qarşıdurmalar açıqlanar və sorğuya çəkilər.)
7. Yalnız Allah bütün dolaşıqlıqları açmağa qadirdir və bütün qurğulardan xəbərdardır.
Ayə 27:
﴿قُلْ أَرُونِي الَّذِينَ أَلْحَقْتُم بِهِ شُرَكَاء كَلَّا بَلْ هُوَ اللَّهُ الْعَزِيزُ الْحَكِيمُ﴾
“De ki, Allaha şərik qoşduqlarınızı mən göstərin. Əsla belə deyil. Yenilməz və hikmət sahibi olan Allah Odur.”
Dostları ilə paylaş: | 
