Nöqtələr
“Cudəd” sözü yollar mənasını bildirir. “Biz” dedikdə ağ, “humr” dedikdə qırmızı, “Sud” dedikdə qara mənaları anlaşılır.
“Ğərabib” sözü zil qara mənasını bildirir. Bu söz ərəblərin qarğanı “ğurab” adlandırması ilə əlaqəli ola bilər.
Bu ayədə dağlarla bağlı üç rəng zikr olunsa da, “müxtəlifun əlvanuha” ifadəsindən başqa rənglərin də olduğu aydınlaşır.
Bildirişlər
1. Suallar ünvanlamaqla yatmış vicdanları oyadın.
2. Peyğəmbərə müraciət əslində bütün insanlara müraciətdir.
3. Allah varlıq aləmini səbəblər üzərində qərar vermişdir. Bitkinin cücərməsi üçün su bir səbəbdir.
4. Allah qara torpaq və şəffaf sudan rəngarəng meyvələr yetirir.
5. Dağlardakı rəngarəng zolaqlar və daşlar təsadüfi deyil.
Ayə 28:
﴿وَمِنَ النَّاسِ وَالدَّوَابِّ وَالْأَنْعَامِ مُخْتَلِفٌ أَلْوَانُهُ كَذَلِكَ إِنَّمَا يَخْشَى اللَّهَ مِنْ عِبَادِهِ الْعُلَمَاء إِنَّ اللَّهَ عَزِيزٌ غَفُورٌ﴾
“İnsanlar, canlılar və heyvanları da müxtəlif rənglərdə (yaratdıq). Bəndələr arasında yalnız (həqiqi) alimlər Allahdan qorxar. Şübhəsiz, Allah yenilməz və bağışlayandır.”
Dostları ilə paylaş: | 
