Bildirişlər
1. Göylərin və yerin mövqeyi, onların hərəkət və orbiti Allahın iradəsi ilə müəyyənləşir. Bütün bunları hər an qoruyan Allahdır.
2. Cərəyanların həm yaranması, həm də davamı Allahın qüdrət və lütfünə ehtiyaclıdır.
3. Varlıq aləminə hakim nizam təsadüfi deyil, Allah tərəfindəndir.
4. Əbədiyyət Ona məxsusdur, varlıq aləmi isə zavala uğraya bilər.
5. Allahın helmi olmasa səma cisimləri günahkarların başına ələnər. (Qiyamət qopan zaman günəş, ay, ulduzlar, yer parçalanıb dağılar. Hazırda bu parçalanmanın qarşısını alan Allahın helmidir.)
6. Öz qüdrəti ilə varlıq aləmini hifz edən Allah kafirlərə yalnız helminə görə möhlət verir.
Ayə 42:
﴿وَأَقْسَمُوا بِاللَّهِ جَهْدَ أَيْمَانِهِمْ لَئِن جَاءهُمْ نَذِيرٌ لَّيَكُونُنَّ أَهْدَى مِنْ إِحْدَى الْأُمَمِ فَلَمَّا جَاءهُمْ نَذِيرٌ مَّا زَادَهُمْ إِلَّا نُفُورًا﴾
“(Müşriklər) ən ağır andlarla Allaha and içdilər ki, əgər onlara xəbərdarlıq edən peyğəmbər gəlsə, bütün başqa ümmətlərdən daha çox hidayət olunacaqlar. Elə ki, peyğəmbər gəldi, (onun gəlişi) yalnız nifrətlərini artırdı.”
Dostları ilə paylaş: | 
