Nur təFSİRİ

Ayə 57, 58:

﴿لَهُمْ فِيهَا فَاكِهَةٌ وَلَهُم مَّا يَدَّعُونَ سَلَامٌ قَوْلًا مِن رَّبٍّ رَّحِيمٍ﴾

“Behiştdə onlar üçün (hər növ) meyvə hazırlanmışdır və istədikləri şey var. Mehriban Rəbbin onlara sözü salamdır.”

Nöqtələr

“Şuğul” dedikdə insanı özünə məşğul edən iş nəzərdə tutulur. “Fakifun” sözü fərəhləndirici söhbət mənasını bildirir.

“Əraik” sözü bəzəkli gəlin taxtı mənasını bildirir.

Behiştdə hər tərəfdən salam eşidilir. Möminləri Allah, mələklər, behişt əhli salamlayır.¹

Bildirişlər

1. Behiştdə işsiz adam yoxdur. Hamı fərəh gətirən işlərə məşğuldur.

2. Behiştdə qəm-qüssə yoxdur.

3. Behiştdə ölümsüz həyat, xəstəliksiz sağlamlıq, qocalıqsız gənclik, zillətsiz izzət, möhnətsiz nemət, fənasız əbədiyyət, qəzəbsiz fərəh, qorxusuz ünsiyyət var.

4. Behiştdə tənhalıq yoxdur.

5. Behişt məskənləri qəlbə aramlıq verir.

6. Taxtda oturmaq yerdə oturmaqdan yaxşıdır.

7. Ən gözəl təamlar behiştdədir.

8. Behiştdə məhdudiyyət yoxdur. Ürəyindən keçəni istə.

9. Məad cismanidir. (Meyvə, zövcə, taxt haqqında söhbətlərdən aydın olur ki, Qiyamətdə hazırkı cismimizdə olasıyıq.)

10. Behiştdə Allahın əzəmətli razılıq və salamı əldə olunur.

11. Allahın salamı behişt əhlinin arzu-istəyidir.

Ayə 59:

﴿وَامْتَازُوا الْيَوْمَ أَيُّهَا الْمُجْرِمُونَ﴾

“(Deyilər) ey günahkarlar! Bu gün (xeyir əməl sahiblərindən) ayrılın.”