Nöqtələr
Allah ötən ayədə onun yolunda səbir edən, pisliyə yaxşılıqla cavab verən, malından bağışlayan insanlara iki qat artıq mükafat vəd etdi. Bu ayədə səbr və xoş münasibətin bir nümunəsinə işarə olunur.
“Ləğv” dedikdə həm söz, həm də əməldə özünü büruzə verən cəfəngiyyat nəzərdə tutulur. Möminlər bu sifətdən çəkinməyə çağırılmışlar. Behiştin imtiyazlarından biri də budur ki, orada mənasız iş və mənasız söz yoxdur.1
“Müdara” dedikdə güc çatan yerdə onu tətbiq etməmək nəzərdə tutulur. Məsələn, ata öz övladı ilə sərt davrana biləcəyi halda ona mülayim yanaşır. “Müdahinə” dedikdə isə gücsüzlükdən doğan yaltaqlıq nəzərdə tutulur. Məsələn, bir çox ölkə başçıları şücaətləri olmadığından super güclərin əlində oyuncağa çevrilirlər. Peyğəmbərlər və övliyalar xalqla müdara etmiş, kafirlər qarşısında isə sərt mövqe tutmuşlar.
Dostları ilə paylaş: |
