Nöqtələr
Bu ayə bir növ Qarun əhvalatının qətnaməsidir. Bəyan olunur ki, istənilən bir şəkildə var-dövlət toplamaq və üstünlük soraqlamaq insanı dünya və axirətdə bədbəxt edir. Rəvayətdə nəql olunur ki, Həzrət Əli (ə) bu ayəni tacirlər üçün oxuyarmış.1 İslam cümhuriyyətinin banisi rəhmətlik İmam (r.ə.) da Qum elmi hövzəsində tədris etdiyi əxlaq dərslərinin sonunda həmin ayəni tələbələrin nəzərinə çatdırarmış.
Hədisdə oxuyuruq ki, ayaqqabısının bağına görə özünü başqasından üstün sayan kəs “yer üzündə üstünlük soraqlayanlardandır.” Çoxları ev tikərkən, minik alarkən, libas seçərkən, danışarkən, evlənərkən, övladına ad qoyarkən yenilik yaratmaqla xalqın diqqətini cəlb etmək istəyir. Rəvayətlərə əsasən, bu qəbil insanlar yer üzündə üstünlük soraqlayanlardandır və behiştdən məhrumdurlar.
Dostları ilə paylaş: |
